| e-texts navigator |
| བོད་ཡིག |
94a1 gis 'bras bu ma thob par bdag gis 'bras bu thob par gzhan gyis shes par bya'o/ /bdag rgyun tu zhugs pa dang / lan gcig phyir 'ong ba dang / phyir mi 'ong ba dang / dgra bcom pa yin par gzhan dag gis shes par
94a2 bya'o/ /dge bsnyen mdun na 'khod pa rnams kyang skye bo thams cad kyis bdag de lta bu yin par shes par 'gyur ba'i tshig smrar gzhug go snyam nas chos thob par bya ba'i phyir ma yin par yid la byed pa de lta bu rnyed pa dang / bkur sti dang / bla ma'i
94a3 mchod pa dang / phyag bya ba dang / zang zing gi phyir dgra bcom pa 'dra bar phan tshun lta ba'i thabs dang / mig 'dzums pa dang / 'gros rnams 'chos par byed cing / chos gos dang / snam sbyar dang / lhung bzed rnams 'chang la/ mal
94a4 cha dang / stan sar pa'i steng na 'dug pa dang skye bo dag gis bdag dge slong bzang po dge slong dka' thub can yin no zhes brjod par 'gyur bar bya'o/ /'on kyang bdag 'khor dang slob ma dag dang ldan par 'gyur ro/ /de nas sde tshan bcas dang / bza' ba dang /
94a5 bca' ba dang / bldag pa dang / btung ba'i yo byad rnams rnyed par 'gyur ro/ /bud med rnams kyis kyang bkur bar 'gyur ro snyam pa'i sems kyi rtog pas nang mi dang g.yog 'khor rnams la shes par byed de/ de lta bur 'chab pa'i dge slong
94a6 ngam/ dge slong ma ni mi'i chos las bla mar gyur pa'i nyes pa byung ba yin no zhes nga zer ro/ /gzhan yang 'di na dge slong la la dam pa'i chos dbyung bar bya'o snyam pa'i sems kyis mal cha dang stan sar pa la 'dug cing / skye bo thams cad kyis
94a7 kye ma dge slong 'di ni dge ba bzang po zhig go snyam du bdag dgra bcom pa ma yin par dgra bcom pa dang 'dra bar shes par bya'o/ /bdag de lta bu yin par shes pa dang / dge slong mang po dag bdag gi 'khor du 'gyur ba 'di las phyi rol pa dag kyang
94a8 dge bsnyen du 'gyur ro/ /tshul khrims 'chal pa rnams kyang zhum par 'gyur ro/ /de nas bdag gis dam pa'i chos kyang dbyung bar bya'o/ /de bzhin gshegs pa'i che ba nyid kyang bstan par bya'o/ /shin tu rgyas pa'i mdo sde rnams kyang bsgrag par
iiif viewer powered by OpenSeadragon
Texts on this page
J65 - 'phags pa yongs su mya ngan las 'das pa chen po theg pa chen po'i mdo