| e-texts navigator |
| བོད་ཡིག |
93b1 'gyur lags so/ /bka' stsal pa/ ji ltar rgya mtsho'i nang na rin po che yon tan brgyad dang ldan pa sna tshogs med do zhes smra ba de bzhin du gsung rab yan lag dgu shin tu rgyas pa'i ye shes kyi rgya mtsho chen po la sangs rgyas kyi khams med do zhes
93b2 zer ba yang de dang 'dra ste/ sangs rgyas kyi gsung 'di ni de dag gi yul ma yin la sangs rgyas kyi gsung ni sems can thams cad la de bzhin gshegs pa'i snying po yod do zhes bya ba'i gtan tshigs dang / rtags rnams kyi sgo nas nyan thos dang /
93b3 rang sangs rgyas thams cad kyi yul yang ma yin par mngon no/ /theg pa chen po las ni bdag dang srog bshig pa yang med de/ de bas na sangs rgyas ni dbu ma'i lam zhes bya'o/ /gang dag bdag gi lus la sangs rgyas kyi khams yod de/ bdag gis
93b4 sangs rgyas thob par 'gyur mod kyi nyon mongs pa zad par bya dgos so zhes de skad zer ba de dag ni nga'i nyan thos yin no/ /gcig shos ni mi'i chos las bla mar gyur pa'i nyes pa byung ba yin no zhes nga zer ro/ /ngas de skad ces bstan pa'i phyir
93b5 'di skad ces zer te/ bcom ldan 'das kyis dam pa'i chos thob par 'gyur ba'i sangs rgyas kyi sa nas gzigs pas na bdag kyang sangs rgyas bcom ldan 'das su 'gyur ro zhes zer ba gang yin pa de mi'i chos las bla ma'i nyes par 'gyur
93b6 ram zhe na mi'i chos las bla mar gyur pa'i nyes par mi 'gyur te/ de ni rim gyis sangs rgyas su 'gyur ro zhes nga zer ro/ /de ltar na sangs rgyas kyi gsung ni cha phra zhing zab pa yin no/ /gsol pa/ 'di na rgyal po la la zhig 'di skad ces
93b7 mchi ste/ ji ltar na dge slong mi'i chos las bla mar gyur pa'i nyes pa byung ba zhes bgyi zhes mchi ba la lan gdab 'tshal lags so/ /bka' stsal pa/ 'di na dge slong rnyed pa dang bkur sti'i phyir ram/ zang zing gi phyir tshul 'chos pa dang /
93b8 kha gsag byed pa yod de/ ji ltar byas na bdag bsod snyoms pa yin par gzhan dag gis shes par 'gyur zhig gu de ltar byas dang rnyed pa thob par 'gyur ro snyam ste/ bsngags pa 'dod pa rmongs pa'i rang bzhin can du gyur pas bdag
iiif viewer powered by OpenSeadragon
Texts on this page
J65 - 'phags pa yongs su mya ngan las 'das pa chen po theg pa chen po'i mdo