rKTs

e-texts navigator

Volume

Page

93a₁ bslab pa'i gzhi lnga las 'gal bar byas pa dang / rung ba ma yin pa thams cad yongs su bzung yang de dang 'dra'o/ /de bzhin gshegs pas nyes byas kyi nyes pa byung bas kyang sum bcu rtsa gsum pa'i lha rnams kyi lo
93a₂ grangs pas kyang lhag par lo brgyad khri'i bar du sems can dmyal bar 'tshed par 'gyur ro zhes gsungs mod kyi/ de yang bsdigs par zad de pham pa las na gcig gi dma' ba nyes pa sbom po'i skyon gang yin pa de yang mi bzad pa ma yin te 'dul
93a₃ ba 'dzin pa mang po rnams kyis brdzun du smras mod kyi/ de ni mi btsan no zhes de bzhin gshegs pas gsungs so zhes zer ba de lta bu'i mdo sde dang 'dul ba ni bdud kyis smras pa yin par rig par bya'o/ /bslab pa'i gzhi thams cad kyi nang na ni
93a₄ nyes byas chung ba yin la de ltar chung ba'i nyes byas byung du zin kyang bdag la ma byung ngo zhes snyon par byed de/ nyes pa byung ba ru sbal bzhin du sbed par byed pa de lta bu'i gang zag la bsten par mi bya'o/ /brdzun du smra ba'i chos gcig 'gal bar
93a₅ byas pa'i skye bo 'jig rten pha rol spangs pas ni mi bya ba ci yang med de/ mi bya ba'i bag ci yang mi sten pa med ces bya ba'i don to/ /sangs rgyas kyi bstan pa ni de ltar cha phra ba yin na nyes pa sbom po mi sdom par lta ga la mdzad/ gal te de tsam
93a₆ yang sdom par mi byed pa ni mchog tu ma bsdams pa yin no/ /ji zhig bzung ste tshul khrims srung zhe na/ sangs rgyas kyi khams yod la gsung rab yan lag dgu'i tshul gyis sangs rgyas su 'gyur ba'i rtog pa gcig pus sems can thams
93a₇ cad la sangs rgyas kyi khams yod do zhes bya ba dang / shin tu rgyas pa las bdag med pa'i mchog yod do zhes smra ba ni gsung rab yan lag dgu'i tshul gyis mdo sde spong ba ma yin no/ /gzhan du na ni de ltar 'gyur ro/ /gsol pa/ sems
93a₈ can thams cad la sangs rgyas kyi khams mchis par gsung rab yan lag dgu las nges par bstan na gang zag tu lta bar ji ltar mi gyur lags/ bdag gis thos pa bzhin du ji ltar gzung bar bgyi/ de ltar na ni mi'i chos las bla mar yang

_{iiif viewer powered by OpenSeadragon}

92b - 93b

Texts on this page