rKTs

e-texts navigator

Volume

Page

92b₁ s ton pa'i sangs rgyas bcom ldan 'das snying rje chen po dang ldan par gyur pa'i phyir ro zhes zer ba de lta bu ni de bzhin gshegs pa dgra bcom pa yang dag par rdzogs pa'i sangs rgyas kyis gsungs pa'i mdo sde dang 'dul ba yin par rig par
92b₂ bya'o/ /bdud kyis smras pa'i mdo sde dang 'dul ba tshad mar byed pa'i sems can gang yin pa de dag ni bdud dang 'thun par byed pa yin par rig par bya'o/ /sangs rgyas kyis gsungs pa'i mdo sde dang 'dul ba tshad mar byed pa gang yin
92b₃ pa de dag ni byang chub sems dpa' yin par rig par bya'o/ /pham pa bzhi yang med/ dge 'dun gyi lhag ma bcu gsum yang med/ ma nges pa gnyis kyang med/ spang ba'i ltung byed sum bcu yang med/ ltung byed 'ba' shig pa dgu bcu
92b₄ rtsa gcig kyang med/ so sor bshags par bya ba bzhi yang med/ bslab par bya ba mang po yang med/ rtsod pa zhi bar bya ba'i chos bdun yang med/ nyes byas rnams kyang med/ nyes pa sbom po rnams kyang med/ mtshams med pa dang /
92b₅ 'dod chen pa yang med de/ sngar smos pa'i bslab pa'i gzhi de rnams med bzhin du gal te 'gal bar byas pas dge slong dag sems can dmyal bar 'gro bar 'gyur na/ de dag ni mu stegs can yin no/ /gang dag la de rnams med na de
92b₆ lta na ni mtho ris su 'gro bar 'gyur ro/ /bcom ldan 'das kyis ni bsdigs pa'i phyir 'dul ba las bslab pa'i gzhi rnams bka' stsal to/ /mi tshangs par spyod pa bsten par 'dod pa gang yin pa de ni gos tshon can dang / chos gos spangs te
92b₇ gos dkar po bgos nas de lta bu byas pa'i 'og tu de bdag nyid kyis bsams pa/ bdag gis ni rang gi yon tan chung ba'i phyir mnog chung ba'i 'dod pa bsten gyis med do/ /'on kyang bcom ldan 'das bzhugs pa'i tshe yang dge slong dag gis
92b₈ 'dod pa rnams bsten nas mtho ris dang thar pa thob par gyur na/ ci bdag chos nyid la zhugs pa yin nam/ 'di ni gna' nas lugs kyis yod pa kho na'o snyam du de ltar sgom pa'i dge slong ni pham pa byung du zin kyang thar pa thob par 'gyur ro/ /

_{iiif viewer powered by OpenSeadragon}

92a - 93a

Texts on this page