rKTs

e-texts navigator

Volume

Page

92a₁ dang 'thun par byed pa'i dge slong la ni nyes pa chung zad kyang med do zhes nga zer ro/ /gzhan yang 'di na dge slong la la de bzhin gshegs pa'i snying po'i mdo sde chen po ston par byed do/ /sems can thams cad la ni sangs
92a₂ rgyas kyi khams yod la khams de rang rang gi lus la tshang ste/ sems can rnams kyis nyon mongs pa'i rnam pa zad par byas nas sangs rgyas su 'gyur te 'dod chen pa ni ma gtogs so/ /de la rgyal po 'am rgyal po'i blon po 'ga' zhig 'di skad
92a₃ ces zer te/ dge slong khyod sangs rgyas su 'gyur ram mi 'gyur/ sangs rgyas kyi khams khyod la yod dam med ces zer ba la/ dge slong de na re tshe dang ldan pa bdag sangs rgyas su 'gyur ram mi 'gyur ba lta sus shes mod kyi 'on kyang bdag gi lus
92a₄ la sangs rgyas kyi khams ni yod do zhes zer ro/ /de nas des dge slong de la smras pa/ dge slong khyod 'dod chen pa kho na ma yin na bdag ni sangs rgyas su 'gyur ro snyam du soms shig /de nas dge slong des de la smras pa/ tshe dang ldan pa chos de
92a₅ ni bdag gi lus la gor ma chag par yod do zhes gal te de skad zer na/ dge slong de la mi'i chos las bla mar gyur pa'i nyes pa yod ces bya 'am med ces bya zhe na/ khams yod do zin kyang sbyin pa dang / tshul khrims dang / shes pa dang /
92a₆ chos dang ldan pa rnams la yod par zad do zhes brjod par bya'o/ /gzhan yang dge slong rab tu byung nas sems par byed de/ kye ma bdag sangs rgyas su 'gyur ram mi 'gyur snyam pa 'am/ bdag gis ni sangs rgyas nyid thob par 'gyur bar
92a₇ mngon no snyam du sems na 'bras bu ma thob tu zin kyang bsod nams mang po 'phel bar 'gyur ro/ /gal te de lta ma yin na dge slong thams cad kyang mi'i chos las bla mar 'gyur ro/ /de ci'i phyir zhe na/ ngas bskal pa bye ba phrag brgyad bcu'i
92a₈ bar du rung ba ma yin pa'i dngos po yongs su 'dzin pa spangs te/ chog shes pa dang / yo byad bsnyungs pa'i mchog la gnas nas de bzhin gshegs pa'i snying po yod par bsgoms te mngon par rdzogs par sangs rgyas nas chos kyi phung po 'bum

_{iiif viewer powered by OpenSeadragon}

91b - 92b

Texts on this page