| e-texts navigator |
| བོད་ཡིག |
91b1 kyis gsungs pa rnam pa bzhi car lta ci smos te/ pham pa bzhi'i nang nas pham pa gang yang rung ba zhig byung na yang rdo chag pa'i 'phro bzhin du 'gyur ro zhes rgyud phyi ma'i yang phyi ma gzhung rdzogs pa las mi'i chos las bla mar gyur pa'i
91b2 skabs nas gsungs pa yin no/ /de ci'i slad du zhe na/ bdag ni 'bras bu thob pa yin no zhes 'chab pa'i don to/ /rgyud phyi ma'i yang phyi ma las mi'i chos su dbab pa ngas gsungs pa ni 'di na dge slong 'dod pa nyung ba chog shes pa la la
91b3 zhig gnas pa de rgyal po 'am/ rgyal po'i blon po chen po dag gis mthong na 'bras bu thob pa yin par sems te/ tshigs su bcad pa'i tshul sbyar ba'i thabs sna tshogs kyis stod par byed cing btsun pa 'di ni lus dang bral te shi ba'i
91b4 'og tu sangs rgyas su 'gyur ro zhes zer ba dge slong des de dag las mngon sum du thos nas 'di skad ces zer te/ 'bras bu ma thob pa'i gang zag la 'bras bu thob pa bzhin du bstod par ma byed cig /che 'dod pa ni sangs rgyas kyis smad
91b5 do/ /cang mi smra ba ni sangs rgyas kyis bsngags so/ /bdag ni ji srid 'tsho'i bar du yang chos 'di lta bu la dga' ba ma yin gyis 'di ltar bdag che 'dod pa la gzhag par ma byed cig /bdag ni 'bras bu thob pa ma yin par bdag
91b6 nyid kyis shes so zhes zer ba dang / rgyal po shes rab can gyis btsun pa 'di ni 'bras bu thob pa ste/ sangs rgyas yin no snyam nas 'jig rten thams cad du mkhas pa rnams kyi nang du sgrogs par byed cing btsun mo'i 'khor dang sras rnams la
91b7 yang snyan dngags bzhin du mdo rnams slob tu 'jug ste/ de ltar byas na yang bstod par byed pa'i rgyal po dang blon po rnams la bsod nams mang du 'phel bar 'gyur ro/ /dge slong de ni tshangs par spyod pa tshul khrims dang ldan pa tsam du zad de dge
91b8 slong de yang pham pa byung ba ma yin no zhes nga zer ro/ /mi'i chos las bla mar gyur pa byed pa yang ma yin te tshul khrims dang ldan pa 'dod pa nyung ba zhes nga zer ro/ /de ltar bstod du zin kyang rang gi dad pa'i sems dang bas na sangs rgyas kyi gsung rab
iiif viewer powered by OpenSeadragon
Texts on this page
J65 - 'phags pa yongs su mya ngan las 'das pa chen po theg pa chen po'i mdo