| e-texts navigator |
| བོད་ཡིག |
91a1 grangs rnam pa sna tshogs kyis bstan to/ /nged kyi 'dul ba la bslab pa'i gzhi gang dang gang med pa de dang de dag ni bcom ldan 'das kyis ma gsungs so zhes de skad zer ba gang yin pa de dang de dag la ni nyes pa 'byung bar
91a2 'gyur ro/ /gang dag bdag cag gis gzung bas mi lang ste/ chog shes pa dang / yo byad bsnyungs pa lhur len pa dang / sangs rgyas kyis gsungs pa yin par 'os pa gang dang gang yin pa de dang de dag ni sems can thams cad la phan pa
91a3 d ang thugs brtse ba'i phyir theg pa chen po'i tshul du gsungs pas na bdag cag gis kyang shin tu rgyas pa zhes bya ba bshad par bya'o zhes de ltar dam 'cha' bar byed pa gang yin pa de dag gi ston pa ni nga yin gyi de ma yin pa rnams kyi ston pa ni
91a4 nga ma yin no/ /de dag ni nga'i phyir rab tu byung ba ma yin te/ de dag thams cad ni mu stegs pa'i bu yin no zhes zer ba de lta bu sangs rgyas kyis gsungs pa'i mdo sde dang 'dul ba yin par rig par bya'o zhes de skad smros shig /bdud
91a5 kyis smras pa'i mdo sde dang 'dul ba tshad mar byed pa'i sems can gang yin pa de dag ni bdud dang 'thun par byed pa yin par rig par bya'o/ /sangs rgyas kyis gsungs pa'i mdo sde dang 'dul ba tshad mar byed pa gang yin pa de dag ni byang chub
91a6 sems dpa' yin par rig par bya'o/ /de bzhin gshegs pa ni yon tan dpag tu med pa dang ldan pa ma yin no/ /mi rtag go/ /yongs su mya ngan las 'das pa'o/ /stong par gyur pa'o/ /bdag med pa ston pa'o/ /'jig rten dang 'thun
91a7 par byed pa ma yin no zhes zer ba de lta bu'i mdo sde ni bdud kyis smras pa'i mdo sde dang 'dul ba yin par rig par bya'o/ /sangs rgyas bcom ldan 'das ni bsam gyis mi khyab cing yon tan bsam gyis mi khyab/ dpag tu med/ grangs
91a8 med pa dang ldan pa yin no/ /rtag pa'o/ /brtan pa'o/ /ther zug pa'o zhes nga zer ro zhes de skad smra ba la ni ta la'i mgo bcad pa bzhin du pham par gyur pa zhes brjod par mi bya'o/ /pham pa'i chos bzhi zhes bya ba ni bcom ldan 'das
iiif viewer powered by OpenSeadragon
Texts on this page
J65 - 'phags pa yongs su mya ngan las 'das pa chen po theg pa chen po'i mdo