rKTs

e-texts navigator

Volume

Page

88b₁ de bzhin gshegs pa lha khang du gshegs te byon pa mthong nas dbang phyug dang / dbang phyug chen po dang / tshangs pa dang / brgya byin la sogs pa lha thams cad kyis thal mo legs par sbyar te zhabs la spyi bos gtugs so
88b₂ zhes zer ba lta bu ni de bzhin gshegs pas gsungs pa'i mdo sde dang 'dul ba yin par rig par bya'o/ /bdud kyis smras pa'i mdo sde dang 'dul ba tshad mar byed pa'i sems can gang yin pa de dag ni bdud dang 'thun par byed pa yin par rig
88b₃ par bya'o/ /sangs rgyas kyis gsungs pa'i mdo sde dang 'dul ba tshad mar byed pa gang yin pa de dag ni byang chub sems dpa' yin par rig par bya'o/ /de bzhin gshegs pa rgyal tshab tu gyur te nye mdab kyi rgyal po'i bu mo dag dang lhan cig
88b₄ tu 'dod pa shin tu bsten to zhes zer ba la sogs pa ni bdud kyis smras pa'i mdo sde dang 'dul ba yin par rig par bya'o/ /de bzhin gshegs pas ni lha'i bu mo ram b+ha lta bu'i bud med dag kyang mchil ma bzhin du bor nas khyim nas khyim med
88b₅ par rab tu byung ngo zhes zer ba de lta bu'i mdo sde dang 'dul ba ni sangs rgyas kyis gsungs pa yin par rig par blta bar bya'o/ /bdud kyis smras pa'i mdo sde dang 'dul ba tshad mar byed pa'i sems can gang yin pa de dag ni bdud dang 'thun par byed pa
88b₆ yin par rig par bya'o/ /sangs rgyas kyis gsungs pa'i mdo sde dang 'dul ba tshad mar byed pa gang yin pa de dag ni byang chub sems dpa' yin par rig par bya'o/ /de bzhin gshegs pa dgra bcom pa yang dag par rdzogs pa'i sangs rgyas kyis
88b₇ 'jig rten thams cad la thugs brtse ba'i phyir rgyal bu rgyal byed kyi tshal mgon med zas sbyin gyi kun dga' ra bar dbyig dang / gser dang / bran dang / bran mo dang / ba lang dang / ma he dang / ra dang / lug dang / bya gag dang / phag dang /
88b₈ khyi dang / byi la dang / zangs dang / lcags zangs dang / nor bu dang / mu tig dang / dung dang / man shel dang / byi ru dang / sa le sbram dang / dngul dang / 'tshog chas rnam pa sna tshogs dang / zhing sa dang / tshong 'dus dang / srang

_{iiif viewer powered by OpenSeadragon}

88a - 89a

Texts on this page