| e-texts navigator |
| བོད་ཡིག |
86a1 dang / ther zug pa'o zhes bya ba 'di ni sangs rgyas thams cad kyi chos nyid do/ /de bzhin gshegs pa mi rtag par mthong ba gang yin pa de dag ni chos nyid mi shes pa yin no zhes nga zer ro/ /de dag ni gang zag yin no zhes nga zer
86a2 ro/ /de dag ni tshad ma ma yin no zhes nga zer ro/ /de ma yin pa'i gang zag bzhi po rnams ni tshad ma yin no/ /gang zag bzhi po dgongs pa'i tshig la mkhas pa dang / de bzhin gshegs pa'i gsang ba'i de kho na nyid shes pa dang / rtag pa
86a3 yin par shes pa gang yin pa de dag ni de bzhin gshegs pa mi rtag go zhes sems skyed kyang mi srid de/ gang zag bzhi po de dag ni rang nyid de bzhin gshegs pa dgra bcom pa yang dag par rdzogs pa'i sangs rgyas yin no/ /sems can gzhan
86a4 gang dag de bzhin gshegs pa rtag go zhes bya ba'i dgongs pa'i tshig thams cad la mkhas pa'i gang zag de dag kyang tshad ma dang rten du gyur pa yin no zhes nga zer na bzhi po de dag lta rten ci ste ma yin/ dge slong dag khyed kyi rten ni chos nyid yin te/ nyan
86a5 thos rnams kyi mngon par shes pa zhes bya ba'i don dang / chos nyid ma brjed par gyis shig ces bya ba'i don to/ /chos nyid ces bya ba ni de bzhin gshegs pa rtag go zhes bya ba la brtson par bya ba yin gyi gang zag la brtson pa ma yin te/ gal te gang
86a6 zag tshul khrims 'chal pa zang zing la brkam pa rnams de bzhin gshegs pa mi rtag go zhes zer na gang zag de dag ni tshad ma ma yin no zhes bya ba'i don to/ /dge slong dag khyed kyi rten ni nges pa'i don yin gyi drang ba'i don ma yin no zhes bya ba la/ nges
86a7 pa'i don zhes bya ba ni theg pa chen po rnams yin te/ dgongs pa'i tshig de bzhin gshegs pa'i gsang ba thos na the tshom gyi nyes pa med pa'i phyir nges pa zhes bya ste/ ye shes kyi rgya mtsho chen po las rgal cing de las byung zhes bya ba'i don to/ /nges
86a8 pa'i ye shes theg pa chen po zhes bya ba ni thogs pa med pa'i ye shes la bya'o/ /thogs pa'i ye shes ni nyan thos kyi theg pa'o/ /nges pa'i ye shes ni ye shes chen po dang theg pa chen po zhes bya ste/ byang chub sems dpa' gang dag de bzhin gshegs pa rtag
iiif viewer powered by OpenSeadragon
Texts on this page
J65 - 'phags pa yongs su mya ngan las 'das pa chen po theg pa chen po'i mdo