| e-texts navigator |
| བོད་ཡིག |
85b1 bsnyen des de dag la phyag kyang bya'o/ /sbyin pa yang sbyin par bya'o/ /sha'i mig dang ldan pa'i dge bsnyen gyis spos kyi tshong 'dus su gangs kyi ri las byung ba'i sman bzhin du bcos ma ma yin pa rtogs par dka'o/ /de bzhin du lha'i mig med pa bye brag mi
85b2 phyed pas gangs kyi ri las byung ba'i sman bzhin du 'di ni tshul khrims dang ldan pa'o/ /'di ni tshul khrims 'chal pa'o/ /dge 'dun 'di dag gzhi chen po brgyad kyi nyes pa dang bral ba yin no snyam du rtogs par mi nus so/ /tshul khrims dang ldan
85b3 pa dang tshul khrims 'chal pa ni lha'i mig dang ldan pa rnams kyi yul yin gyi/ sha'i mig dang ldan pa rnams kyi yul ma yin no/ /gal te ma dag pa mthong na ni ji srid du bshags su rung ba'i nyes pa byung ba ma bshags kyi bar du de dag la phyag
85b4 kyang mi bya'o/ /sbyin pa yang sbyin par mi bya'o/ /gzhi chen po brgyad len pa'i dge 'dun dag la ji srid du bdag nyid kyi nyes pa bshags su rung ba bshags pas gangs kyi ri las byung ba'i sman bzhin du dag par ma gyur gyi bar du gos tshon can
85b5 bgos pa tsam la yid brten te phyag mi bya'o/ /de dag la sbyin pa yang sbyin par mi bya'o/ /gsol pa/ bcom ldan 'das legs so legs so/ /legs lags so/ /bcom ldan 'das kyi bka' 'di ni legs par gsungs pa lags te/
85b6 rdo rje rin po che bzhin du spyi bos mnod par 'tshal lo/ /'di la bcom ldan 'das kyis gsungs pa/ dge slong dag bzhi po 'di dag ni rten bzhin yin te/ bzhi gang zhe na/ dge slong dag khyod kyi rten ni chos nyid yin gyi gang zag ma yin no/ /
85b7 dge slong dag khyed kyi rten ni nges pa'i don yin gyi drang ba'i don ma yin no/ /dge slong dag khyed kyi rten ni ye shes yin gyi rnam par shes pa ma yin no/ /dge slong dag khyed kyi rten ni don yin gyi yi ge ma yin no/ /bdag cag la ni rten bzhi po 'di
85b8 dag tshad ma yin gyi gang zag bzhi po rnams tshad ma ma yin no zhes bgyi ba legs par gsungs so/ /bka' stsal pa/ chos nyid ces bya ba ni de bzhin gshegs pa'i yongs su mya ngan las 'das pa'o/ /de bzhin gshegs pa rtag pa dang / brtan pa
iiif viewer powered by OpenSeadragon
Texts on this page
J65 - 'phags pa yongs su mya ngan las 'das pa chen po theg pa chen po'i mdo