| e-texts navigator |
| བོད་ཡིག |
84a1 rdzing bcos pa bzhin du de nyid bsnyen par rdzogs pa yin te/ dri ma med pa dang bshags pas bdag nyid dag par byas nas mdo sde dang 'dul ba de kho na nyid kyis rdzing bcos pa bzhin du 'chos par byed do// //
84a2 bam po brgyad pa/ gsol pa/ bcom ldan 'das kyis a mra'i 'bras bu rnam pa bzhi lta bu'i mdo las gsungs pa'i tshul khrims dang ldan pa dang / tshul khrims 'chal pa de ji ltar rtogs par bgyi lags/ bka' stsal pa/ rigs
84a3 kyi bu tshul khrims dang ldan pa dang / tshul khrims 'chal pa ni yongs su mya ngan las 'das pa chen po'i mdo chen po las rtogs par bya'o/ /gsol pa/ ji ltar rtogs par bgyi lags/ bka' stsal pa/ khyim bdag zhing pa la la zhig
84a4 gis 'bras sA lu dang / 'bru dang / khre rgod kyi zhing la thog ma kho nar zhing gi do dang snye long rnams bsal te dag par byas pa de la de phyin chad nas nam 'bras bur ma gyur gyi bar du sha'i mig gis zhing gi grangs su rtsi bar byed la 'bras bur gyur
84a5 pa'i tshe ni phub ma dang / khong stong dang / 'bras bu dang / snying po'i bye brag dang / 'di ni 'bru yin no/ /'di ni 'bru ma yin no snyam du yang dag par shes pa de bzhin du gzhi chen po brgyad ni dge 'dun gyi skyon yin te/ de rnams zhing gi do dang
84a6 snye long bzhin du bsal nas de'i 'og tu sha'i mig gis dge 'dun gyi nang du tshul khrims dang ldan pa'i dge slong gi grangs su rtsi bar byed do/ /su yang rung ste nam skyon can du ma gyur pa dang / yon tan gyi 'bras bu gsal bar ma gyur gyi bar du
84a7 'di ni 'bras bu'o/ /'di ni 'bru ngan pa'o zhes bya ba de lta bur sha'i mig gis rtogs par mi nus te/ de'i dus kyi bar skabs su ni zhing bzhin du dge 'dun gyi grangs su mgo mnyam du rtsi bar 'gyur ro/ /de ci'i phyir zhe na/ zhing gi skyon ni zhing gi
84a8 do yin la/ dge 'dun gyi skyon ni gzhi chen po brgyad yin pa'i phyir ro/ /nyes pa'i mchog sbrul gdug pa lta bu dang bral ba'i dge 'dun ni zhing zhes bya ste/ dge slong su yang rung zhing rnam par dag pa lta bur gyur pa de ni lha bzhin du mchod par
iiif viewer powered by OpenSeadragon
Texts on this page
J65 - 'phags pa yongs su mya ngan las 'das pa chen po theg pa chen po'i mdo