rKTs

e-texts navigator

Volume

Page

83b₁ pa bskyed na phyir nyes pa thob par 'gyur te/ bshegs par 'os pa'i nyes pa lta bur 'gyur la nga rgyal gyi dbang gis 'chags par yang mi byed do/ /byang chub sems dpa' slob dpon de ni mchog tu g.yel ba lta bur ston kyang nyes par mi 'gyur te/
83b₂ dgongs pa'i tshig 'di ni byang chub sems dpa'i ched du bstan te/ /rgan nam yang na gzhon yang rung / /gang las chos ni rtogs 'gyur ba/ /bram ze sreg sbyin me bzhin du/ /de la bkur stis phyag kyang bya/ /
83b₃ rdzogs sangs rgyas kyis bstan pa yi/ /chos ni gang las rtogs 'gyur ba/ /dbang chen lha la bya ba bzhin/ /de la bkur stis phyag kyang bya/ /zhes bya ba ni nyan thos rnams kyi ched du bstan pa ma yin gyi/ byang chub sems dpa' rnams
83b₄ kyi ched du bstan pa yin no/ /gsol pa/ bcom ldan 'das ci lags/ byang chub sems dpa' g.yel ba de lta bu dag bsnyen par rdzogs par rung ngam/ 'on te mi rung lags/ bcom ldan 'das kyis bka' stsal pa/ rigs kyi bu de skad
83b₅ ma zer cig / de nyid de dag gi bsnyen par rdzogs pa yin te/ de dag gi nyes pa gang dang gang bshags pa de dag ni bshags bzod pa yin no/ /rigs kyi bu dper na rdzing rnying pa ral pa'i chu ni thams cad zags par 'gyur ro/ /de ci'i phyir zhe na/
83b₆ skye bo chos bzhin du byed pa rnams ni 'gribs/ skye bo chos bzhin du mi byed pa rnams ni 'phel ba'i phyir ro/ /gal te rdzing de la la zhig gis phyir bcos na ni des de'i nang nas chu 'dzag par mi 'gyur ba de bzhin du byang chub sems dpa' yang
83b₇ dge slong tshul khrims dang ldan pa rnams med pa'i phyir dang / dge 'dun gyi sgrub pa nyams pa'i phyir dang / theg pa la g.yel ba yongs su 'phel ba'i phyir g.yel ba rnams dang lhan cig tu bsnyen par rdzogs pa dang / skabs 'byed pa dang /
83b₈ gso sbyong dang / thal mo sbyar bas gdud pa'i las byed pas rdzing zag pa bzhin du tshul khrims dang cho ga zags par 'gyur mod kyi rigs kyi bu byang chub sems dpa' dam pa'i chos 'byin par 'dod pa dang / tshul khrims dang ldan pa'i mi ni

_{iiif viewer powered by OpenSeadragon}

83a - 84a

Texts on this page