| e-texts navigator |
| བོད་ཡིག |
80b1 log par lta ba'i rigs su skye ba dang / rgyal po 'khrug pa dang / yul 'khrug pa dang / sdug pa'i dngos po 'khrug pa dang / dge ba'i bshes gnyen mi mthong ba dang / gos dang zas dang / mal cha dang / stan dang / nad gsos dang / sman zong med pa dang /
80b2 rnyed pa chung ba dang / bkres pa dang / skom pas nyam chung ba'i gnod pa dang ldan pa dang / skye bo phal pas dga' bar bya ba dang / rgyal po dang / blon po dang / pho brang 'khor gyi mi rnams kyi chos kyi gtam mi 'dzin pa dang / chos smra ba'i phyogs mi byed pa
80b3 dang / blon po dang / sde dpon gang dag phyogs dang mgon byed du re ba de dag kyang su shi gtol med par 'gyur ba dang / dam pa'i chos kyi phyogs mi byed pa dang / bzang na yang mi mdzes pa dang / lta na sdug na yang lta na mi sdug par 'gyur te/ de ltar na nga'i
80b4 nyan thos gang dag 'jig rten na mdo sde chen po ston pa rnams ni dka' ba byed pa yin no/ /rigs kyi bu dper na lho bur shin tu stug po yang nyi ma ma shar gyi bar du ni gnas la nyi ma shar ma thag tu ni ma lus par sangs par 'gyur ba de bzhin du/ rigs kyi
80b5 bu sems can de dag gi sdig pa grangs med pa yang gang gi tshe yongs su mya ngan las 'das pa chen po'i nyi ma ma shar gyi bar du ni gnas la/ gang gi tshe yongs su mya ngan las 'das pa chen po'i nyi ma shar ba de'i tshe ni sdig pa de dag ma lus par 'byang bar 'gyur
80b6 ro/ /rigs kyi bu gzhan yang dper na la la zhig khyim nas khyim med par rab tu 'byung bar 'dod la da dung gzhon nu'i tshul khrims kyang ma blangs par mi la la zhig gis de bzhin gshegs pa la sogs pa dge slong gi dge 'dun mchod ston gsol pa de'i tshe/
80b7 khyim pa de yang chos gos bgos nas de bzhin gshegs pa'i nyan thos rnams dang thabs gcig tu grong gi nang du song ste bkod na de bzhin gshegs pa'i nyan thos kyi dge 'dun gyi grangs su gtogs pa de bzhin du/ rigs kyi bu byang chub sems dpa'
80b8 sems dpa' chen po mdo sde 'di la slob pa ni byang chub sems dpa' sems dpa' chen po sa bcu thob pa rnams kyi grangs su gtogs so/ /'di las phyi rol du gyur pa rdzas kyis brid pa'i phyir ram/ gtam zlar byas pa'i phyir ram/ rnyed pa dang /
iiif viewer powered by OpenSeadragon
Texts on this page
J65 - 'phags pa yongs su mya ngan las 'das pa chen po theg pa chen po'i mdo