| e-texts navigator |
| བོད་ཡིག |
80a1 lta bar byed la don kyang rdzogs par rtogs par 'gyur te/ bcom ldan 'das ni rtag pa dang / brtan pa dang / ther zug pa dang / mi g.yo ba dang / shin tu bde ba'o zhes bya ba dang / sems can thams cad la de bzhin
80a2 gshegs pa'i snying po yod do zhes ston par byed do/ /de ltar na sngon sangs rgyas du ma la bsnyen bkur byed byed pa'i sems can rnams ni dam pa'i chos 'byin par 'gyur zhing dam pa'i chos kyi phyogs 'dzin par 'gyur ro/ /gang dag gis da ltar byang chub tu
80a3 sems bskyed pa de dag ni phyi ma'i dus na dam pa'i chos 'byin par 'gyur zhing dam pa'i chos kyi phyogs 'dzin par 'gyur te/ de'i tshe sems can de lta bu dag 'byung bar 'gyur gyis/ rigs kyi bu khyod ma 'ongs pa'i dus na sems can dam pa'i chos 'byin pa
80a4 rnams la de ltar ma lta shig / gang dag gis da ltar byang chub tu sems bskyed pa de dag ni ma 'ongs pa'i dus na yang byang chub tu sems bskyed nas dam pa'i chos 'byin par byed par shes par gyis shig /rigs kyi bu gang dag nga yongs su mya ngan las
80a5 'das pa chen pos yongs su mya ngan las 'da' ba la yid mi dga' bar mi byed cing rab tu dga' bar byed de/ sangs rgyas bdag cag gi rnyed pa dang bkur sti la bgegs byed pa de nga ni grongs par 'gyur gyi bdag cag dga'o snyam ste/ de ltar sangs rgyas grongs
80a6 par 'gyur ro snyam nas rab tu dga' ste/ yid mi dga' bar mi byed pa de dag ni de'i tshe g.yel bar 'gyur te/ chos gos kyi mtshan ma can mdo sde spong bar 'gyur bar rig par gyis shig /sems can gang dag yon tan dpag tu med pa dang ldan pa de dag ni theg
80a7 pa chen po thos na mngon par dad par 'gyur te/ dam pa'i chos 'dod pa'i rigs kyi bu de dag gi ni sdig pa'i las grangs med pa byas pa rnams klad pa na ba dang / rims kyis gdung ba dang / zug rngu dang / skur pa tsam gyis 'byang bar 'gyur ro/ /gzhan
80a8 yang phyi ma'i dus na gzhan gyis brnyas par 'gyur ba dang / mdog ngan par 'gyur ba dang / mal cha dang / stan dang / kha zas ngan par 'gyur ba dang / rnyed pa med par 'gyur ba dang / dbul po'i rigs su skye ba dang / phal pa'i rigs su skye ba dang /
iiif viewer powered by OpenSeadragon
Texts on this page
J65 - 'phags pa yongs su mya ngan las 'das pa chen po theg pa chen po'i mdo