rKTs

e-texts navigator

Volume

Page

7a₁ brgyad bcu rtsa bzhi'i zas so/ /lus 'di ni rgyal po'i khri mon du brubs pa'i dri ma mnam pa'o/ /lus 'di ni khyi ro rul pa'i dri bam gyis lhag par sbags pa'o/ /lus 'di ni sgo dgu nas mi gtsang ba 'dzag pa'o/ /
7a₂ lus 'di ni sha dang chu ba dang rus pa dang khrag dang lpags pa'i zhal zhal can rkang lag gi phyi sgo dang ra ba dang ba gam can/ mig gi skar khung can/ mgo bo'i yang tog can/ yid rgyal po lta bu'i pho brang grong khyer lta bu'o/ /lus 'di ni
7a₃ mkhas pa thams cad kyis spangs shing byis pa'i skye bo dga' bar byed pa'i 'dod chags dang zhe sdang dang gti mug la sogs pa'i nyon mongs pa bye ba snyed kyi srin po brten pa/ 'dam bu dang e ran Ta dang dbu ba dang chu shing lta bur snying po med pa/
7a₄ glog dang ri gzar po'i 'bab chu'i dba' rlabs ltar shin tu mi brtan pa'o/ /sgyu ma dang smig rgyu dang brag cha dang zla ba'i gzugs brnyan ltar slu bar byed pa/ rlung shugs drag pos rnam par dkrugs pa'i chu'i shugs kyis brkos pa'i 'gram gyi
7a₅ sdong po ltar g.yang sa na 'dug pa'i chos can/ spyang ki dang wa dang bya rgod dang bya rog rnams kyi zas yin na su zhig 'di lta bu 'chang ba la dga' bar byed/ rgya mtsho'i chu thams cad skra'i rtse mos blangs te/ ba lang gi rmig rjes su
7a₆ blugs par ni nus srid kyi/ lus nad bzhi brgya rtsa bzhis gzir ba 'di snying po med pa 'am mi gtsang ba ni tshig tsam gyis bstan par mi nus so/ /sa chen po 'di rgya shug gi 'bras bu'i rus pa'i 'bru tsam sha stag du byas pa'am yungs 'bru
7a₇ tsam 'am rdul phra rab kyi rdul tsam sha stag du byas pas ni zad par 'gyur yang srid kyi/ lus 'di yod kyi bar du 'di'i nyes dmigs ni mthar thug par mi 'gyur te/ de bas na dam pa'i chos bsrung ba'i phyir 'di mchil ma bzhin du dor
7a₈ bar bya'o snyam ste/ 'di ltar dge bsnyen ma de dag thams cad chen po stong pa nyid dang mtshan ma med pa dang smon pa med pa bsgoms pas sems bsgoms pa sha stag ste/ 'di lta ste dge bsnyen ma 'tsho ba'i dpal zhes bya ba dang / dge

_{iiif viewer powered by OpenSeadragon}

6b - 7b

Texts on this page