rKTs

e-texts navigator

Volume

Page

79b₁ spong bar mi byed de/ lung nod par byed/ nyan par byed/ 'dri bar byed la don ni rtogs par mi 'gyur ro/ /gang dag gis sangs rgyas gang gA'i klung bzhi'i bye ma snyed la byang chub tu sems bskyed pa de dag ni phyi ma'i dus na yang byang chub tu sems
79b₂ bskyed par 'gyur te mtshungs pa med pa spong bar mi byed cing lung nod par byed/ nyan par byed/ 'dri bar byed la don ni bcu drug cha gcig rtogs par 'gyur te/ don rdzogs par rtogs par mi 'gyur ro/ /gang dag gis sangs rgyas gang
79b₃ gA'i klung lnga'i bye ma snyed la byang chub tu sems bskyed pa de dag ni phyi ma'i tshe mtshungs pa med pa spong bar mi 'gyur te/ lung nod par byed/ lta bar byed/ 'dri bar byed de/ bris nas kyang bdag nyid 'chang bar byed la don ni brgyad cha
79b₄ gcig rtogs par 'gyur te/ don rdzogs par rtogs par mi 'gyur ro/ /gang dag gis sangs rgyas gang gA'i klung drug gi bye ma snyed la byang chub tu sems bskyed pa de dag ni phyi ma'i dus na mtshungs pa med pa spong bar mi byed de/ lung nod
79b₅ par byed/ 'dri bar byed/ bris nas kyang 'dzin par byed la don ni bzhi cha gcig rtogs par 'gyur te/ don rdzogs par rtogs par mi 'gyur ro/ /gang dag gis sangs rgyas gang gA'i klung bdun gyi bye ma snyed la byang chub tu sems
79b₆ bskyed pa de dag ni phyi ma'i dus na mtshungs pa med pa spong bar mi byed de/ lung nod par byed/ 'dri bar byed/ bris nas kyang 'dzin par byed la don ni phyed rtogs par 'gyur te/ don rdzogs par rtogs par mi 'gyur ro/ /gang dag gis sangs
79b₇ rgyas gang gA'i klung brgyad kyi bye ma snyed la byang chub tu sems bskyed pa de dag ni phyi ma'i dus na mtshungs pa med pa spong bar mi byed de/ lung nod par byed/ nyan par byed/ 'dri bar byed/ bris nas 'dzin par byed/ 'chang bar byed/ klog
79b₈ par byed/ ston par byed/ sba bar byed/ srung bar byed/ 'chad par byed/ 'jig rten thams cad la snying brtse ba'i phyir glegs bam rnams la mchod pa dang bkur sti byed/ gzhan dag kyang byed du 'jug cing bla ma la gus pa lta bur

_{iiif viewer powered by OpenSeadragon}

79a - 80a

Texts on this page