| e-texts navigator |
| བོད་ཡིག |
78a1 thos na yid ches par byed pa gang yin pa de dag ni mchog tu dka' ba byed pa yin te/ 'jig rten na u dum ba ra'i me tog bzhin du shin tu dkon no/ /nga 'das pa'i 'og tu mdo sde chen po 'di shin tu rnyed dka' bar 'gyur te/ ma 'ongs pa'i
78a2 dus na sems can gang dag mdo sde chen po 'di thos par bya ba'i phyir sgrub par byed pa de dag ni sems can mang pos spong bar 'gyur ro/ /gsol pa/ yun ji srid cig na sems can rnams kyis spang bar 'gyur lags/ sems can ji lta bu dag ni dam pa'i chos
78a3 'byin par 'gyur lags/ bka' stsal pa/ rigs kyi bu nga 'das pa'i 'og tu lo bzhi stong gi bar du 'dzam bu'i gling du spyod par 'gyur te/ de'i rjes la sa'i 'og tu nub par 'gyur ro/ /rigs kyi bu dper na yul gang na bu ram shing dang / 'bras sA lu dang /
78a4 'bru dang / sbrang rtsi dang / kha ra dang / ba'i 'o ma dang / mar gyi snying khu rnams mod pa de nyid na sems can rnam par smin pas dman zhing bsod nams ma byas pa gzhan dag kyang yod de/ de dag 'di skad du bdag cag gi lus kyi khams 'di ni kha zas bzang
78a5 po zos na nad du 'gyur ro zhes zer nas ci tshe dang khre dang khre rgod rnams za bar byed do/ /yul de nyid na gzhan kha cig ni ci tshe dang khre dang khre rgod rnams kyi ming yang thos par mi 'dod de/ bu ram shing dang / 'bras sA lu dang / 'bru rnams 'ba' shig za
78a6 bar byed pa de bzhin du yongs su mya ngan las 'das pa chen po'i mdo chen po 'di yang sems can gzhan kha cig thos par yang mi 'dod de/ bsod nams ma byas pa rnams ci tshe dang khre dang khre rgod za zhing bu ram shing dang / 'bras sA lu la sdang ba bzhin du
78a7 nyan thos kyi theg pa pa rnams theg pa chen po la sdang bar 'gyur ro/ /de na nyan pa bsod nams byed byed pa gzhan kha cig ni 'bras sA lu za ba bzhin du theg pa chen po bar 'gyur ro/ /rigs kyi bu dper na ri khrod gcong rong yul ngan pa na gnas pa'i
78a8 rgyal po rnams bu ram shing dang 'bras sA lu rnams ldan par yod du zin kyang 'bru 'di rnams ni dkon pa yin te/ zad na mi rung ngo snyam nas bdag cag mi za bar ci tshe dang khre dang khre rgod za zhing bu ram shing dang 'bras sA lu dang 'bru rnams ni shing rta rnams bkang
iiif viewer powered by OpenSeadragon
Texts on this page
J65 - 'phags pa yongs su mya ngan las 'das pa chen po theg pa chen po'i mdo