| e-texts navigator |
| བོད་ཡིག |
77b1 gis theg pa chen po 'di khong du chud nas mngon par dad par 'gyur te/ bdud dam/ bdud bye ba yang rung de dag mthong na theg pa chen po pa rnams skrag par mi 'gyur te cung zad kyang ya mtshan du mi 'dzin to/ /dper na sbrul 'dzin pa'i mi la la zhig gis
77b2 sman gnod sel dang sngags kyi mthus sbrul gdug pa rnams kyi dug med par byed la de dag gis mi 'jigs pa de bzhin du bdud bye ba rnams kyang theg pa chen po'i mdo'i tshig gi sngags kyi gzi byin dang mthus rgyags pa med par 'gyur ro/ /rigs kyi
77b3 bu gzhan yang klu'i sbrul gdug pa rnams kyi ni glang po che dang / stag dang / gzig dang / khyi rnams kyang bltas pa tsam gyis skrag par byed de/ kha cig ni 'chi bar yang 'gyur/ kha cig ni shir dogs nas sgra thos pa tsam gyis kyang 'byer bar 'gyur ro/ /
77b4 mi kha cig ni klu'i sbrul gdug pa dang / nam mkha' lding dang / glang po che dang / seng ge dang / stag rnams la zhon te rgyu bar byed pa yang yod do/ /mi kha cig ni klu dang / nam mkha' lding dang / seng ge dang / srin po de dag mthong na rgyags pa med
77b5 par 'gyur te/ mi sdar ma de dang 'dra bar nyan thos dang rang sangs rgyas rnams ni bdud mthong na skrag par 'gyur la bdud ni de dag gis 'jigs pa med de bdud kyi las kyang byed do/ /theg pa chen po pa rnams ni bdud la zhon te de dag gi gzi byin chen po dang /
77b6 stobs chen po dang / snying stobs btul nas chos ston par byed de/ klu la sogs pa dang 'dra ba'i bdud stobs po che de dag skrag nas mod la dam pa'i chos la dga' bar 'gyur te/ 'di skad du da phyin chad dam pa'i chos kyi bar chad mi bgyid do zhes kyang
77b7 zer ro/ /nyan thos kyi theg pa pa rnams ni nyon mongs pa'i rnam pas skrag go/ theg pa chen po pa rnams ni nyon mongs pa rnams chung bar 'dzin te/ de ltar na theg pa chen po pa rnams ni rtul phod pa yin no/ /de bas na ngas bshad pa'i rgyu ni de yin te/
77b8 nyan thos kyi theg pa pa rnams kyi don du ngas bdud tshar gcad par bstan pa yin no/ /de ltar na yongs su mya ngan las 'das pa chen po'i mdo chen po ni mchog tu bzod par dka'o/ /kye ma mdo sde chen po 'di dang de bzhin gshegs pa rtag ces bya ba
iiif viewer powered by OpenSeadragon
Texts on this page
J65 - 'phags pa yongs su mya ngan las 'das pa chen po theg pa chen po'i mdo