rKTs

e-texts navigator

Volume

Page

76b₁ shig / sdig can khyod nam mkha' la nyal bar byed cing glo g.yon phyogs nas me 'bar bar byed pa dang / g.yas phyogs nas chu 'bebs pa dang / me bzhin du 'bar zhing gzi byin dang ldan la dud par 'thul du zin kyang nga
76b₂ khyod kyi tshig mi nyan to/ /yid ches par mi byed do/ /gsung rab yan lag dgu lta bu ston du zin kyang nga dad par mi byed do zhes gyis shig /rigs kyi bu khyed de ltar dogs na nga yang tshar chod cig /rigs kyi bu dper na mtshan mo mun pa'i nang du
76b₃ khyi rkun 'ongs pa tshor na khyim bdag mo 'am bran mos de la 'di skad du khyi rkun khyod ngas ma bsad par skyen par phyir song shig ces byas nas/ khyi rkun des de skad thos pa dang / phyir brgyugs te song la phyin cad kyang khyim der mi 'ong ba de bzhin du khyed
76b₄ kyis bdud sdig can khyi rkun bzhin du tshar chod la/ sdig can de ltar ma byed par ngas bcing ba rnam pa lngas ma bcings par skyen par phyir song shig ces de la de skad gyis shig dang / des de skad thos ma thag tu khyi rkun bzhin du phyir ldog par 'gyur te/
76b₅ de ltar bdud tshar gcod par byed pa gang yin pa de dag ni dam pa yin te/ mya ngan 'das pa'i drung kho na na 'dug go zhes bcom ldan 'das kyis khyim bdag gdangs can las glengs te bdud tshar gcod pa na bka' stsal lags na/ bcom ldan 'das
76b₆ ci'i slad du gang zag bzhi po rnams rten du gyur par bzhugs par mdzad lags/ bdag ni de rnams la mi nyan cing glo ba mi ches lags so/ /bcom ldan 'das kyis bka' stsal pa/ rigs kyi bu de ni de bzhin te/ ngas ji skad smras pa de ni de kho na
76b₇ bzhin no/ /de lta mod kyi ngas bdud tshar gcad par smras pa ni byis pa nyan thos kyi theg pa pa sha'i mig dang ldan pa rnams kyi don du smras pa yin gyi theg pa chen po pa rnams kyi don du bdud tshar gcad par smras pa ma yin no/ /nyan thos kyi theg pa
76b₈ pa rnams la yang lha'i mig dang ldan pa dag yod mod kyi de dag ni sha'i mig ces bya ba'i grangs su gtogs so/ /theg pa chen po pa rnams la yang sha'i mig dang ldan pa dag yod mod kyi/ de dag ni sangs rgyas kyi spyan zhes bya ba'i grangs su gtogs

_{iiif viewer powered by OpenSeadragon}

76a - 77a

Texts on this page