| e-texts navigator |
| བོད་ཡིག |
76a1 sems dpa' sems dpa' chen po de ni 'ong ba dang 'gro ba'i tshul gyis rgyu bar byed kyang phyir mi 'ong ba'i grangs su gtogs te/ sems bskyed ma thag pa'i lung bstan pas sangs rgyas su lung bstan pa dang sems bskyed ma thag
76a2 tu ring po mi thogs par sangs rgyas su 'gyur ba yin te gang zag de lta bu ni gang zag gsum pa'o/ /dgra bcom pa zag pa zad pa ni gang zag bzhi pa ste/ dgra bcom pa zhes bya ba ni nyon mongs pa med pa/ khur bor ba/ rang gi don gyi bya ba byas pa/
76a3 don grag pa/ sa bcu thob pa zhes bya ba'i don to/ /don gzhan yang rgyas par byed de mi skye ba'i chos la bzod pa'i lung bstan pas lung bstan pa dang / bdag nyid kyis ji ltar nus pa'i gzugs dang / ji ltar 'dod pa'i gzugs mngon par sprul
76a4 par byed pa dang / gang gi lus kyis sangs rgyas su 'gyur bar 'dod pa de'i lus kyis de bzhin gshegs pa dgra bcom pa yang dag par rdzogs pa'i sangs rgyas su 'gyur bar byed de/ yon tan 'di rnams dang ldan pa ni dgra bcom pa zhes bya ste/
76a5 yongs su mya ngan las 'das pa chen po'i mdo chen po 'di la gang zag bzhi po 'di rnams skye bo mang po la phan pa dang / skye bo mang po la bde ba'i phyir 'jig rten du 'byung ngo / /de dag ni de bzhin gshegs pa bzhin du lha dang mi rnams kyi ston pa yin te
76a6 bzhi char yang skyes bu tshad ma yin no/ /'jig rten du gyur pa yin no/ /gsol pa/ gang zag bzhi po de dag ni bdag gi tshad ma yang ma lags/ de dag ni rten du gyur pa yang ma lags so/ /de ci'i slad du zhe na/ bcom ldan 'das kyis khyim bdag
76a7 gdangs can las brtsams te bdud tshar gcad par bka' stsal pa'i tshe/ gal te lha 'am bdud dam tshangs pa yang rung ste nga dang 'dra bar lus mtshan sum bcu rtsa gnyis dang / dpe byad bzang po brgyad bcus brgyan pa dang / 'od 'dom gang dang
76a8 ldan pa dang / bzhin mdzod spus brgyan pa'i sangs rgyas kyi sku'i tshul gyis 'ongs su zin kyang de khyed kyis tshar chod cig ces ngas gnang ste/ sdig can khyod 'di ltar dgra bcom pa'i gzugs kyis dgra bcom pa bzhin du bdag nyid ma 'dug
iiif viewer powered by OpenSeadragon
Texts on this page
J65 - 'phags pa yongs su mya ngan las 'das pa chen po theg pa chen po'i mdo