| e-texts navigator |
| བོད་ཡིག |
74b1 khyer te ma 'ongs so zhes zer te/ dgra sta bdar nas gsad par byas pa dang / dgra sta bdar ba'i bar de'i skabs su de'i ma skrag nas sog ma'i phung po'i nang du zhugs so/ /de nas de dgra sta thogs te sog ma'i phung po la bsnun nas da ni bdag gi ma shi'o snyam ste/
74b2 mi gzhan gyis 'jigs nas sog ma legs par ma brtags so/ /de nas ma de de'i nang nas byung ste song ngo / /de nas de bdag gi ma shi zin no snyam ste sems dga' bar gyur na/ mtshams med pa byed pa zhes bya 'am/ 'on te mi bya/ gsol pa/ ma sod
74b3 pa zhes mi bgyi lags so/ /yang gsol pa ci lags/ mtshams ma mchis pa'i las kyi rgyu'i dngos po zhu bar 'tshal lam/ bka' stsal pa/ pha ma'i phung po bshig pas mtshams med pa byed pa zhes bya bas de'i phyir de mtshams med pa byed pa
74b4 ni ma yin gyi/ ma gsod pa'i sems bskyed pa brtsal bas na mtshams med pa byed pa dang 'dra ba yin no/ /phung po dang khams dang skye mched kyi dngos po ma bshig gi bar du mtshams med pa byed pa rdzogs pa zhes mi bya ste/ 'dir rgyu'i dbang gis chos de
74b5 kho na nyid rig par bya'o/ /gsol pa/ bcom ldan 'das legs lags so/ /legs lags so/ /de ltar rgyu'i dbang gis rig par yang bgyi/ rig par yang mi bgyi lags so/ /bka' stsal pa/ rigs kyi bu de bzhin du ngas rgyu'i dbang gis thar pa
74b6 brjod pa yin no/ /rgyu'i sgo nas mya ngan las 'das pa yon tan dpag tu med pa dang ldan pa dpe med pa kho na yin no/ /de bzhin du yongs su mya ngan las 'das pa chen por 'gro ba yang yon tan dpag tu med pa dang ldan pa yin no/ /de bzhin gshegs
74b7 pa yongs su mya ngan las 'da' bar mdzad de/ de bas na yongs su mya ngan las 'das pa chen po'i don ni de yin no/ /gsol pa/ de bzhin gshegs pa ni zad par 'gyur ba ma lags so/ /de bzhin gshegs pa ni sku tshe zad mi shes pa lags par
74b8 blta bar bgyi'o/ /bka' stsal pa/ rigs kyi bu legs so legs so/ /dam pa'i chos srung bas ni de skad bya ba'i rigs so/ /bdag gi the tshom nges par byed 'dod pas ni de ltar bya ba'i rigs so/ /de ltar na byang chub sems dpa' sems dpa' chen
iiif viewer powered by OpenSeadragon
Texts on this page
J65 - 'phags pa yongs su mya ngan las 'das pa chen po theg pa chen po'i mdo