| e-texts navigator |
| བོད་ཡིག |
74a1 thar pa'i dpe ni de bzhin gshegs pa yin te/ de ci'i phyir zhe na/ de bzhin gshegs pa gang yin pa de ni thar pa'o/ /thar pa gang yin pa de ni de bzhin gshegs pa ste/ 'di la gnyis su byar med cing tha dad par byar med do/ /rigs kyi bu dper na
74a2 dpe med bzhin du rgyu'i don gyis dper len pa yang yod de/ kye ma bzhin bzangs khyed zla ba nya bzhin zhes bya ba dang / glang po che bzang khyad gangs kyi ri bzhin zhes bya mod kyi/ ci zla ba bzhin dang 'dra 'am/ bzhin yang zla ba dang 'dra 'am/ ci glang po che ri dang
74a3 'dra 'am/ ri yang glang po che dang 'dra 'am/ rigs kyi bu de bzhin du thar pa yang dpe med bzhin du sems can nges par bsgral ba'i phyir 'dir rgyu'i dbang gis dpes bstan par rig par bya'o/ /chos kyi de kho na nyid kyang rgyu'i dbang gis chos kyi de kho na nyid du
74a4 rig par bya'o/ /gsol pa/ ci'i slad du de bzhin gshegs pa rnam pa gnyis su ston lags/ bka' stsal pa/ rigs kyi bu gzhan yang dper na mi la la zhig ral gri thogs nas ngas de bzhin gshegs pa dgra bcom pa yang dag par rdzogs pa'i sangs
74a5 rgyas gsad do snyam ste gsod par byed la/ de bzhin gshegs pa ni log pa cung zad kyang mi mdzad de/ zhum pa med cing dgyes bzhin du bzhugs na/ ci mi de mtshams med pa byed pa zhes bya 'am 'on te mi bya/ gsol pa/ dngos po'i sgo nas mtshams med pa
74a6 bgyis pa zhes mi bgyi lags so/ /de ci'i slad du zhe na/ bsags pa'i khams ma bshig pas na dngos po'i sgo nas mtshams med pa bgyid pa ma lags so/ /de bzhin gshegs pa'i sku la ni bsags pa'i khams kyi bag kyang ma mchis te/ chos kyi khams
74a7 lags na ji ltar bgrongs su rung / de bas na sems bskyed pa dang btsal ba tsam las mtshams med pa bgyid pa zhes bgyi ste/ 'dir rgyu'i dbang gis chos kyi de kho na nyid rig par bgyi ba lags so/ /bka' stsal pa/ rigs kyi bu legs so legs so/ /
74a8 ngas kyang tshig de skad du smra bar bsams so/ /rigs kyi bu gzhan yang 'di na mi sdig can la la zhig bdag gi ma gsad do snyam nas dgon pa zhig na khre rgod dang sran chung gi g.yul du bya ra byas nas ma der 'ongs pa dang / khyod kyis nga'i thugs pa legs par
iiif viewer powered by OpenSeadragon
Texts on this page
J65 - 'phags pa yongs su mya ngan las 'das pa chen po theg pa chen po'i mdo