| e-texts navigator |
| བོད་ཡིག |
73b1 'das pa thob pa yin no/ /mchog tu bde ba zhes bya ba de ni der zad mi shes pa'i 'du shes kyis mchog tu bde ba'i rnam pa mang ba gang yin pa ste/ de ni yongs su mya ngan las 'das pa yin no/ /de ni thar pa yin no/ /mchog tu brtan pa dang / mi g.yo ba
73b2 dang / bde ba dang / rtag pa myong ba gang yin pa de ni thar pa'o/ /thar pa gang yin pa de ni de bzhin gshegs pa'o/ /de nas bcom ldan 'das la 'od srung chen po dang rus gcig pas 'di skad ces gsol to/ /ma skyes pa dang / ma 'gags pa gang
73b3 lags pa de thar pa lags/ de de bzhin gshegs pa lags shes bgyi 'am/ bcom ldan 'das kyis bka' stsal pa/ rigs kyi bu de lta los kyang ste de ni thar pa yin no/ /de ni de bzhin gshegs pa yin no/ /gsol pa/ 'o na nam
73b4 mkha'i khams kyang ma skyes pa ma byung ba lags na/ thar pa yang de dang 'dra/ de bzhin gshegs pa yang de dang 'dra zhes bgyi 'am/ bka' stsal pa/ de lta ma yin te/ thar pa ni nam mkha'i khams dang 'dra ba ma yin no/ /gsol pa/ 'o na ci
73b5 lta bu lags/ bka' stsal pa/ rigs kyi bu dper na bya shang shang te'u 'am/ ka la ping ka gang gi tshe skad 'byin pa de'i tshe/ khwa ltar skad 'byin ces bya 'am/ gsol pa/ bcom ldan 'das de ni ma lags te/ bya gzhan rnams kyi skad ni de
73b6 dag gi skad kyi dper yang mi rung lags so/ /khwa'i skad ni shang shang te'u dang ka la ping ka'i skad kyi brgya'i char yang mi spyod/ stong gi char yang mi spyod/ grangs dang / cha dang / dpe dang / rgyur yang mi bzod lags so/ /bya de dag ni dpe ma
73b7 mchis pa lags so/ /bcom ldan 'das de bzhin gshegs pa'i gsung ni rgyu'i sgo nas dpe ma mchis pa lags so/ /bka' stsal pa/ rigs kyi bu legs so legs so/ /rigs kyi bu khyod kyis de ltar zab par bya ba'i rigs te legs so/ /de bas
73b8 na thar pa gang yin pa de ni de bzhin gshegs pa'o/ /thar pa'i rgyu dang dpe gzhan ni lha dang mi dang lha ma yin dang bcas pa'i 'jig rten na med de/ dpe med bzhin du gdul bar bya ba'i dbang gis yon tan 'di 'dra'o/ /de 'dra'o zhes dpes bstan to/ /
iiif viewer powered by OpenSeadragon
Texts on this page
J65 - 'phags pa yongs su mya ngan las 'das pa chen po theg pa chen po'i mdo