rKTs

e-texts navigator

Volume

Page

72b₁ gshegs pa'o/ /stong pa nyid stong pa nyid ces bya ba ni gang gi tshe btsal kyang ci yang ma rnyed pa ste/ ci yang med pa zhes bya ba ni cir bu pa rnams la yang yod mod kyi/ thar pa ni de lta ma yin no/ /stong pa nyid ces bya ba ni ji ltar sbrang rtsi dang / zhun mar
72b₂ dang / 'bru mar dang / chu dang / zho'i bum pa rnams la zho yod kyang rung med kyang rung / zho'i bum pa zhes bya ba dang / de bzhin du sbrang rtsi dang / chu yod kyang rung med kyang rung sbrang rtsi dang / chu'i bum pa zhes bya na/ ci de la bum pa stong pa zhes bya'am/
72b₃ de dag med pa la bum pa rang nyid stong ngam/ gzugs kyang yod kha dog kyang yod na ji ltar stong pa zhes bya/ thar pa ni de lta bur stong pa ma yin te/ thar pa la ni gzugs dang kha dog phun sum tshogs pa yang yod na ji ltar zho'i bum pa stong pa ma yin du zin kyang
72b₄ zho med pa'i phyir stong pa zhes bya ba bzhin du thar pa yang stong pa ma yin bzhin du stong pa zhes bya ba ste/ gzugs yod bzhin du ji ltar stong pa zhes bya zhe na/ stong pa zhes bya ba ni nyon mongs pa'i rnam pa dang / srid pa'i tha snyad nyi shu rtsa lnga dang / sdug bsngal dang
72b₅ 'jig rten gyi chos lugs dang / cho ga dang / spyod yul 'byung ba rnams med pa'i phyir zho'i bum pa zho med pa bzhin du thar pa la stong pa zhes bya ba ste/ de la ni bum pa'i gzugs mi g.yo ba bzhin du shas cher bde ba dang / dga' ba dang / rtag pa dang / brtan
72b₆ pa dang / ther zug dang / 'jig rten las 'das pa'i chos dang / cho ga dang spyod yul rnams yod do/ /thar pa ni bum pa'i gzugs bzhin du rtag pa dang / brtan pa dang / ther zug pa ma yin gyi/ bum pa ni chag par 'gyur te rgyu'i sgo nas bzhag pa tsam du
72b₇ zad do/ /thar pa ni byas pa ma yin pa'i phyir chag par mi 'gyur la/ thar pa gang yin pa de ni bcos ma ma yin pa'i khams yin te de ni de bzhin gshegs pa'o/ /sred pa zad pa sred pa zad pa zhes bya ba ni sangs rgyas su gyur pa'i mod la bdag dbang por gyur cig ce'am/
72b₈ dbang phyug chen po'am/ mi 'byed kyi bdag po tshangs par gyur cig ces bya ba'i sred pa dang 'dod pa gzhan de na med de/ yod ces bya ba'am/ skye bar 'gyur zhes bya ba mi srid do/ /sred pa zad pa gang yin pa de ni sangs rgyas so/ /de ni thar pa'o/ /thar pa gang

_{iiif viewer powered by OpenSeadragon}

72a - 73a

Texts on this page