| e-texts navigator |
| བོད་ཡིག |
71a1 mar las mar gyi snying khu 'byung ba bzhin du thar pa ni gnas thams cad yongs su chad pa ste/ mar gyi snying khu ltar rang bzhin du gnas pa'o/ /thar pa gang yin pa de ni de bzhin gshegs pa'o/ /nga rgyal 'dul ba nga rgyal
71a2 'dul ba zhes bya ba ni ji ltar sa'i mnga' bdag rgyal po nga ni rgyal po thams cad kyi mchog yin no snyam pa'i nga rgyal 'dul ba bzhin du thar pa ni de lta ma yin te/ thar pa ni nga rgyal med cing nga rgyal du 'dzin pa med pa'o/ /thar pa gang yin pa de ni de bzhin
71a3 gshegs pa'o/ /rgyags pa 'dul ba rgyags pa 'dul ba zhes bya ba ni gang la 'khrig pa'i 'dun pa'i ming yang med pa de ni thar pa'o/ /thar pa gang yin pa de ni de bzhin gshegs pa'o/ /ma rig pa 'dul ba ma rig pa 'dul ba zhes bya ba ni ji ltar 'o ma
71a4 las gcig nas gcig tu brgyud de dri ma'i nyes pa gang dang gang zad par gyur pa de dang de las mar gyi snying khu 'ba' shig 'byung bar 'gyur ba de bzhin du ma rig pa las rig pa 'ba' shig 'byung bar 'gyur te/ ma rig pa gang yin pa de ni thar pa'o/ /thar
71a5 pa gang yin pa de ni de bzhin gshegs pa'o/ /bden pa bden pa zhes bya ba ni gang la zla'i chos gzhan med pa ste/ glang po che'i dgon pa na glang po che gcig pu rgyu zhing gcig pu gnas pa bzhin du thar pa yang de dang 'dra'o/ /thar pa gang yin pa de ni de bzhin
71a6 gshegs pa'o/ /rnam par spong ba rnam par spong ba zhes bya ba ni bdag med pa gzung bar bstan te/ de ni de bzhin gshegs pa'i snying po la 'jug pa'o/ /ji ltar e ran da dang 'dam bu'i sdong bu ni 'bras bu ma gtogs par thog thag tu snying po
71a7 med pa de bzhin du lha dang mi dang lha ma yin gyi lus thams cad ni de bzhin gshegs pa'i snying po ma gtogs pa thams cad e ran da dang 'dam bu bzhin du snying po med do/ /srid pa snying po med pa thams cad rnam par spangs pa ni thar pa'o/ /thar pa
71a8 ni rang la brda sprod pa yin te/ thar pa gang yin pa de ni de bzhin gshegs pa'o/ /spong ba spong ba zhes bya ba ni kha zas ma zhu bas kha zas ma tshos pa spong ba bzhin du srid pa thams cad bcad pa dang spangs pa ste/ de ltar na thar pa ni mkhas pa'o/ /thar pa gang
iiif viewer powered by OpenSeadragon
Texts on this page
J65 - 'phags pa yongs su mya ngan las 'das pa chen po theg pa chen po'i mdo