| e-texts navigator |
| བོད་ཡིག |
70a1 ba'i tshe kha zas kyi mchog zos pa'i 'og tu dar ba btung ba'i sems skye bar 'gyur ba bzhin du thar pa ni de lta ma yin te/ thar pa gang yin pa de ni de bzhin gshegs pa'o/ /chad pa chad pa zhes bya ba la sred pa'i zhags pa lta bu'i
70a2 nang gi 'dod pa chad pa gang yin pa de ni chad pa'i sgo nas thar pa yin no/ /thar pa gang yin pa de ni de bzhin gshegs pa'o/ /pha rol pha rol zhes bya ba ni ji ltar chu klung la tshu rol dang pha rol gyi 'gram gnyis yod pa bzhin du thar pa ni de lta ma yin te/ thar
70a3 pa ni pha rol yin no/ /thar pa gang yin pa de ni de bzhin gshegs pa'o/ /chu klung zhes bya ba la chu klung nyid dper rung bar zad kyi 'jig rten na chu klung gzhan dper rung ba med do/ /chu klung zhes bya ba ni rgya mtsho la bya ste/ chu klung thams cad kyi nang na rgya
70a4 mtsho 'ba' shig chu klung yin pas na rgya mtsho ni chu klung zhes bya ba'i grangs su gtogs so/ /chu klung zhes bya ba ni sgra chen po sgrogs pa'i phyir te/ thar pa ni chu klung rgya mtsho'i pha rol dang 'dra'o/ /thar pa gang yin pa de ni de bzhin gshegs pa'o/ /bzang
70a5 po bzang po zhes bya ba ni gang la ko sha ta ka'i 'bras bu lta bu'i ro tsha ba med pa ste/ thar pa ni ko sha ta ka'i 'bras bu lta bu ma yin gyi thar pa ni rgun 'brum lta bu yin no/ /thar pa gang yin pa de ni de bzhin gshegs pa'o/ /ji ltar sman pa rtsi dang sman thams
70a6 cad kyis sems gnas par byas nas nad do cog sel ba de bzhin du thar pa yang nyes pa thams cad dang bral ba'o/ /thar pa gang yin pa de ni de bzhin gshegs pa'o/ /'dun pa drag po 'dun pa drag po zhes bya ba ni ji ltar grong chung ngur skye bo phal po che
70a7 'jug pa'i skabs med pa bzhin du thar pa ni de lta ma yin te/ thar pa gang yin pa de ni de bzhin gshegs pa'o/ /srid pa dga' ba zad pa zhes bya ba ni sgyu ma sprul pa dang bral ba lta bu ste/ gang la skyes pa dang bud med 'khrig pa'i chos can rnams kyi phan
70a8 tshun du gtam zer ba yod pa bzhin du thar pa ni de lta ma yin te/ rang bzhin gyis ngo bo nyid kyi chos can 'dod chags dang / zhe sdang dang gti mug dang bral ba gang yin pa de ni thar pa'o/ /thar pa gang yin pa de ni de bzhin gshegs pa'o/ /skom pa 'dul ba
iiif viewer powered by OpenSeadragon
Texts on this page
J65 - 'phags pa yongs su mya ngan las 'das pa chen po theg pa chen po'i mdo