| e-texts navigator |
| བོད་ཡིག |
6a1 chen po'i bla re rnams ni bres/ gdugs dkar po rnams kyis ni nyi mtshan bsgribs/ rnga yab dkar po rnams kyis ni g.yabs/ rgyab rten glang po che'i mche ba la chu srin ma ka ra rten pa'i kha nas/ zla ba nya
6a2 ba'i 'od zer ltar dkar ba'i mu tig gi chun po 'byung zhing spyangs pa dang ldan pa rnams ni bcas/ sa phyogs rnams ni me tog dri zhim po'i sil mas gtor to/ /dge bsnyen de dag re re nas kyang 'di snyam du sems te/ bdag gis
6a3 sems can thams cad la zas 'dod pa rnams la ni zas sbyin no/ /skom 'dod pa rnams la ni skom sbyin no/ /mgo bo dang mig la sogs pa yan lag dang nying lag thams cad 'dod pa rnams la yang ji ltar 'dod pa bzhin du sbyin
6a4 no/ /dbul po dang bkren pa dang phongs pa rnams la yang 'dod pa dang dug dang gnod pa dang ma brtags pa'i sbyin pa rnams ma gtogs par gang dang gang dag ci dang ci 'dod pa de dang de dag chog par sbyar ro snyam du sems kyi/ gzhan ni
6a5 ci yang mi sems so/ /de bzhin du dge ba'i bshes gnyen gyi sde tshan/ byang chub sems dpa'i spyod pa la gnas pa de dag thams cad kyis bsams pa/ de bzhin gshegs pa la bdag gis bshos gsol te yongs su mya
6a6 ngan las 'da' bar bya'o/ /de bzhin gshegs pa la bdag gis bshos gsol te/ yongs su mya ngan las 'da' bar bya'o snyam ste/ so so nas de 'ba' zhig snying la sems shing yan lag thams cad kyi ba spu rgya skyegs
6a7 kyi shing gi me tog ltar rtsa dmar ba ni langs/ mig ni mchi ma khrag lta bus gang ste/ mchog du sdug bsngal ba'i tshor ba dang ldan nas/ rang rang gi mchod pa'i yo byad bud shing dang yam sreg shing dang shing rta dang rgyal mtshan dang
6a8 gdugs dang ba dan rnams dang chas te zhal zas kyi mchog gis sgyur ba'i snod rnams thogs nas/ bcom ldan 'das ga la ba der dong ste lhags nas/ bcom ldan 'das kyi zhabs la mgo bos phyag 'tshal te/ bcom ldan
iiif viewer powered by OpenSeadragon
Texts on this page
J65 - 'phags pa yongs su mya ngan las 'das pa chen po theg pa chen po'i mdo