| e-texts navigator |
| བོད་ཡིག |
69b1 med pa de ni thar pa'o/ /thar pa gang yin pa de ni de bzhin gshegs pa'o/ /nyon mongs pa med pa nyon mongs pa med pa zhes bya ba ni ji ltar mi'i chang par skyu ru ra gzung du yod pa bzhin du thar pa ni de dang 'dra bar ci yang gzung du med do/ /nyon mongs pa
69b2 med pa zhes bya ba ni ji ltar sgyu ma mkhan gyis sprul pa'i sgyu ma la ci yang gzung du med pa bzhin du thar pa yang de dang 'dra ste/ thar pa gang yin pa de ni de bzhin gshegs pa'o/ /skyon med pa'i lus skyon med pa'i lus zhes bya ba ni ji ltar mi'i lus la sme
69b3 ba dang / shu ba dang / mdze dang / lpags pa'i nad dang / skyon rnams med par gyur pa bzhin du thar pa ni de lta ma yin no/ /skyon med pa'i lus zhes bya ba ni ji lta ba'i 'o ma rang bzhin gyis mdog gcig pa bzhin du thar pa yang mtshan nyid gcig pa ste/
69b4 thar pa gang yin pa de ni de bzhin gshegs pa'o/ /dag pa dag pa zhes bya ba ni ji ltar rnyog pa'i dri ma dang 'dres pa'i chu'i nang du ka ta ka'i 'bras bu bdar na chu'i rang bzhin dag par 'gyur ba bzhin du thar pa ni de lta ma yin no/ /dag pa zhes bya ba ni ji ltar
69b5 nam mkha' la char pa'i chu ro gcig cing rnam par dag pa bzhin du thar pa yang de dang 'dra ste/ thar pa gang yin pa de ni de bzhin gshegs pa'o/ /grol ba grol ba zhes bya ba la thar pa ni zla ba tshes bcwa lnga dri ma med pa dang 'dra ste zla ba sprin gyis g.yogs pa lta
69b6 bu ma yin no/ /thar pa gang yin pa de ni de bzhin gshegs pa'o/ /zhi ba zhi ba zhes bya ba ni ji ltar sems can rims nad kyis thebs pa las rims nad dang bral bar 'gyur ba de bzhin du thar pa ni de lta ma yin te/ zhi ba zhes bya ba la thar pa ni sems can
69b7 nad med cing gnod pa med pa bzhin te/ thar pa gang yin pa de ni de bzhin gshegs pa'o/ /mnyam pa nyid mnyam pa nyid ces bya ba ni ji ltar lug thug re gnyis phan tshun 'thab pa na stobs mnyam pa bzhin du thar pa ni de lta ma yin te/ ji ltar ma dang bu
69b8 'thun par smra ba de bzhin du thar pa yang de dang 'dra ste/ thar pa gang yin pa de ni de bzhin gshegs pa'o/ /nye bar zhi ba nye bar zhi ba zhes bya ba la gnas kyi mchog de thob pa ni gnas gzhan 'dod mi srid do/ /chog mi shes pa zhes bya ba ni ji ltar nyam chung
iiif viewer powered by OpenSeadragon
Texts on this page
J65 - 'phags pa yongs su mya ngan las 'das pa chen po theg pa chen po'i mdo