| e-texts navigator |
| བོད་ཡིག |
67b1 rnams kyis nyes pa de las gnod pa rnams 'byung bar 'gyur ba bzhin du thar pa ni de ltar nad mang pos gnod par 'gyur ba ma yin no/ /gzhan yang gnod pa zhes bya ba ni ji ltar sha dang nya sha zos pa'i 'og tu 'o ma 'thung ba ni 'chi bar 'gyur ba bzhin du
67b2 thar pa ni gnod pa'i chos can ma yin no/ /gnod pa med pa zhes bya ba ni ji ltar kha zas 'thun par za bas ro zhim pa yang myong la bdud rtsi yang zos par 'gyur ba de bzhin du thar pa ni rang bzhin gyis bdud rtsi lta bu yin te/ thar pa gang yin pa de ni
67b3 de bzhin gshegs pa'o/ /gnod pa med pa'i chos can gnod pa med pa'i chos can zhes bya ba ni ji ltar nga rgyal gyis khengs pa'i mi nga rgyal gyis dregs shing myos nas nga mi 'chi'o snyam ste/ sbrul lam stag la 'dzin du rtsol ba las/ des zin
67b4 nas dus ma yin pa'i 'chi bas 'chi bar 'gyur ba de bzhin du nga rgyal gyis khengs pa ni thar par mi 'gyur ro/ /gnod pa med pa'i chos can zhes bya ba ni ji ltar 'khor los sgyur ba'i rgyal po'i khar ba rin po che'i gzi brjid kyis srog chags gdug
67b5 pa sbur bu dang / sbrul dang / ka na b+ha dang / sdom la sogs pa'i rigs dgu bcu rtsa drug po rnams kyis thag ring po nas de'i dri tshor ba tsam gyis khar ba rin po che'i rang bzhin gyi dris skrag nas dug med par 'gyur ba de bzhin du thar pa ni rang bzhin gyis
67b6 srid pa'i nyes pa nyi shu rtsa lnga dang bral ba yin te/ thar pa gang yin pa de ni de bzhin gshegs pa'o/ /nyen med pa nyen med pa zhes bya ba la thar pa ni e la sngon po dang ljang gu'i kha dog lta bu ma yin no/ /nyen med pa zhes bya ba ni ji ltar nam mkha' la nyen
67b7 med pa bzhin du thar pa yang de dang 'dra ste/ thar pa gang yin pa de ni de bzhin gshegs pa'o/ /nyen med pa'i chos can nyen med pa'i chos can zhes bya ba ni ji ltar rten la mar me nyen du gyur pa bzhin du thar pa ni de lta ma yin te/ nyen med pa'i chos can zhes
67b8 bya ba ni ji ltar zla ba'i 'od sems can thams cad la nyen med pa bzhin du thar pa yang de dang 'dra ste/ sems can thams cad la nyen med pa'i tshul can yin no/ /de bas na nyen med pa ni thar pa'o/ /thar pa gang yin pa de ni de bzhin gshegs pa'o/ /
iiif viewer powered by OpenSeadragon
Texts on this page
J65 - 'phags pa yongs su mya ngan las 'das pa chen po theg pa chen po'i mdo