| e-texts navigator |
| བོད་ཡིག |
65b1 'o 'dus ma byas zhes bya ba ni ji ltar rdza mkhan gyis snod byas nas de'i 'og tu zhig par 'gyur ba bzhin du thar pa ni de lta ma yin no/ /thar pa ni skye ba yang med/ 'gag pa yang med do/ /thar pa gang yin pa de ni de bzhin gshegs pa ste/ skye ba yang
65b2 med 'chi ba yang med do/ /gang ma skyes pa dang / ma zhi ba dang / rga ba med pa dang / 'chi ba med pa dang / 'dus ma byas pa de ni de bzhin gshegs pa ste/ de bas na de bzhin gshegs pa ni yongs su mya ngan las 'das pa chen por 'gro ba'o/ /
65b3 rga ba med pa dang / 'chi ba med pa zhes bya ba ni mgo dkar ba dang / rga ba dang / na ba dang / 'chi ba'i chos dang 'dus byas kyi rang bzhin gyi rtog pa de lta bu ni thar pa ma yin gyi gang la gong du smos pa rnams med pa ni thar pa yin te/ de bas na rga ba
65b4 med pa zhes bya'o/ /thar pa gang yin pa de ni de bzhin gshegs pa ste de bzhin gshegs pa la ni mgo dkar ba dang / rga ba dang / 'dus byas rnam par 'gyur ba med do/ /de bas na de bzhin gshegs pa ni rga ba med pa'i sku yin na 'chi bar lta ga la
65b5 'gyur/ nad med pa nad med pa zhes bya ba ni glo bur gyi nad bzhi brgya rtsa bzhis gnod par gyur pa dang / nyes dmigs du ma dang ldan pa'i lus gang la med pa de lta bu'i rang bzhin te/ de bas na thar pa ni nad med pa'o/ /thar pa gang yin pa de ni de bzhin
65b6 gshegs pa ste/ de bzhin gshegs pa la yang nad kyi bag yong med na chos kyi sku la nad ga la yod/ de bas na de bzhin gshegs pa ni nad med pa'o/ /'chi ba med pa 'chi ba med pa zhes bya ba ni gang la mi'i lus bzhin du 'chi ba med pa'o/ /de ni
65b7 thar pa yin te/ de la ni dus 'di tsam gyis na zad pa'i mthar 'gyur ba'am/ 'chi ba'i mthar 'gyur ro/ /zhes bya ba'i ming yang med de 'chi ba dang bral ba ni thar pa'o/ /thar pa gang yin pa de ni de bzhin gshegs pa'o/ /de lta bu'i yon tan dang
65b8 ldan pa la 'chi bar 'gyur ba zhes bya ba de ni mi srid de/ sku rdo rje ltar mkhregs pa mi rtag par ga la zhig 'gyur te/ de bas na 'chi ba med pa ni de bzhin gshegs pa'o/ /nyon mongs pa can nyon mongs pa can zhes bya ba la thar pa ni nur nur po mi gtsang
iiif viewer powered by OpenSeadragon
Texts on this page
J65 - 'phags pa yongs su mya ngan las 'das pa chen po theg pa chen po'i mdo