| e-texts navigator |
| བོད་ཡིག |
65a1 ji ltar rgyu ba bstan du gsol/ bka' stsal pa/ 'di ni sangs rgyas kyi yul yin te/ nyan thos dang rang sangs rgyas kyi yul ma yin gyis zhog shig /de bzhin du thar pa yang gzugs dang gzugs med pa yin la gzugs
65a2 kyang ma yin pas na sangs rgyas kyi yul yin gyi/ nyan thos dang rang sangs rgyas kyi yul ma yin no/ /gsol pa/ bcom ldan 'das de bzhin gshegs pas yongs su mya ngan las 'das pa chen po'i tshul gyis thar pa bstan du gsol/ bka'
65a3 stsal pa/ rigs kyi bu legs so legs so/ /thar pa zhes bya ba ni 'ching ba thams cad dang bral ba'o/ /yang bka' stsal pa/ thar pa zhes bya ba gang yin pa de ni ma skyes pa'i phyir de ni 'ching ba thams cad dang shin tu bral ba ste/ ji ltar pha ma
65a4 phrad pa'i yon tan las bu skye ba de bzhin du skyes pa ma yin te thar pa ni rang gi yul du gnas pa'o/ /ma skyes pa zhes bya ba ni 'di ltar mar gyi snying khu rang bzhin gyis rang gi ngo bo nyid du 'dug pa de bzhin du de bzhin gshegs pa ni yab yum 'khrig
65a5 pa las byung ba yang ma yin la/ de bzhin gshegs pas ni gdul bar bya ba'i dbang gis yab yum gnyis kyang bstan to/ /thar pa gang yin pa de ni de bzhin gshegs pas te ma byung ba byung ba'i phyir ro/ /dper na sran sde'u 'am/ sran gre'u
65a6 dpyid zla ra ba'i ngo 'am/ dbyar gyi dus sam/ ston zla tha chungs kyi ngo la sa bon btab na de dag las myu gu 'byung bar 'gyur ba de bzhin du thar pa ni de lta ma yin no/ /ma byung ba gang yin pa de thar pa'o/ /thar pa gang yin pa de ni de bzhin
65a7 gshegs pa ste ma byung ba'o/ /de bzhin gshegs pa ni ma byung ba kho na ste de bzhin gshegs pa ni myu gu yod pa dang / med par 'gyur ba bzhin du yongs su brtag par mi bya'o/ /de bzhin gshegs pa ni rang bzhin gyis ma byung ba ste/ de bas
65a8 na ma byung ba'o/ /ma byung ba zhes bya ba ni ma byas pa'o/ /ma byas pa zhes bya ba ni ji ltar grong khyer dang / grwa'i yang tog dang sgo khang byed pa de bzhin du thar pa ni de lta ma yin te/ ma byas pa gang yin pa de ni thar pa'o/ /de ni de bzhin gshegs pa
iiif viewer powered by OpenSeadragon
Texts on this page
J65 - 'phags pa yongs su mya ngan las 'das pa chen po theg pa chen po'i mdo