| e-texts navigator |
| བོད་ཡིག |
64b1 yod pa der bcom ldan 'das yang dag par snang bar 'gyur ro/ /de bas na mya ngan las 'das pa chen po ni yang dag pa'i don la rton pa yin no/ /yongs su mya ngan las 'das pa chen po zhes bya ba ni srid pa thams cad na thar pa'i grong khyer gyi tshig bla dgas
64b2 yin te/ gang na 'dul bar bya ba rnams yod pa der rdzogs par sangs rgyas par snang ba 'di ni tshig grags pa'o/ /gsal ba'o/ /yang dag pa'i don ni yongs su mya ngan las 'das pa chen po zhes bya'o/ /gsol pa/ bcom ldan 'das ci lags/
64b3 sman pas rmas pa thams cad sos par bgyis nas yul dang / grong khyer dang / yul 'khor dang / rgyal po'i pho brang 'khor gzhan gang na rmas pa rnams mchis pa der snang bar 'gyur ro zhes bgyi lags sam/ bka' stsal pa/ rigs kyi bu srog
64b4 chags rmas pa thams cad kyi nad gso bar byed ces de skad ma zer cig / gsor mi rung ba'i sems can gzhan rnams ni gso bar mi byed do/ /de ci'i phyir zhe na/ de dag gi nad ni gsor mi rung ba yin te/ de dag de bzhin du de bzhin gshegs pa ni
64b5 gsor mi rung ba'i nad 'dod chen pa ma gtogs pa nad thams cad gso bar mdzad de/ gang mya ngan las 'das pa de dag gsos pa yin no/ /gsol pa/ thar pa ji lta bu lags/ gzugs can lags sam/ gzugs ma mchis pa lags/
64b6 bka' stsal pa/ kha cig ni gzugs can no/ /kha cig ni gzugs can ma yin pa ste/ gzugs can ma yin pa ni nyan thos dang rang sangs rgyas rnams kyi'o/ /sangs rgyas bcom ldan 'das rnams kyi ni gzugs can yin no/ /thar pa de ni
64b7 gzugs dang gzugs med pa yin la gzugs yin no zhes byar yang mi rung ngo / /gsol pa/ ci'i slad du lags/ bka' stsal pa/ 'od srung chen po dang rus gcig pa dper na 'du shes med 'du shes med min gyi lha rnams kyi lus ni gzugs
64b8 dang gzugs med pa yin la gzugs yin no zhes byar yang mi rung ba bzhin no/ /gsol pa/ 'du shes med 'du shes med min gyi lha rnams gzugs dang gzugs ma mchis pa lags la gzugs kyang ma lags na/ de dag ji ltar mchis pa dang /
iiif viewer powered by OpenSeadragon
Texts on this page
J65 - 'phags pa yongs su mya ngan las 'das pa chen po theg pa chen po'i mdo