| e-texts navigator |
| བོད་ཡིག |
64a1 dang / srid pa nyi shu rtsa lnga spangs pa sdug bsngal gyi rnam pa dang nyon mongs pa dang bral ba ste/ de bzhin gshegs pa rtag pa dang brtan pa dang / bde ba dang / mi g.yo ba dang / gnas med pa ni yongs su mya ngan las 'das pa ste/
64a2 der 'gro ba'i phyir deng de bzhin gshegs pa grong khyer chen por gshegs so/ /chen po zhes bya ba dang / che ba zhes bya ba ni don gcig go/ /chen po zhes bya ba ni lhag ma dang bcas pa'i tshig bla dgas te/ 'di na mi la la tshe dpag tu med par gyur na mi de skyes bu chen po zhes bya ba'i grangs
64a3 su gtogs te/ gal te chos dang ldan na mi de skyes bu thams cad kyi mchog yin no/ /yang 'dir skyes bu chen po'i rnam par rtogs pa brgyad kyis skyes bu gcig pur 'gyur te/ skyes bu chen po du ma yod pa'i nang na gang la skyes bu chen po'i rnam par
64a4 rtog pa brgyad yod pa de ni skyes bu chen po thams cad kyi nang na yang skyes bu chen po'o zhes ngas bshad pas na de'i phyir che ba zhes bya'o/ /lhag ma dang bcas pa'i mya ngan las 'das pa zhes bya ba la gang la rma med pa de ni mya ngan las 'das pa zhes bya'o/ /
64a5 de ci'i phyir zhe na/ rigs kyi bu dper na/ 'di na mi la la zhig gdug pa'i zug rngus phog ste/ bab rdo'i gnod pas thebs nas bab rdo'i gnod pas thebs pa'i mi de zug rngu 'byin pa'i sman pa chen po zhig gis gsos te/ gdug pa'i zug rngu bsal nas
64a6 bde bar byas te de gnod pa med par snga mkho bzhin du byas nas sman pa des mi de bor te yul gzhan nam/ grong gzhan nam/ khyim gzhan gang na rmas pa yod pa dang / gang na rma'i las byar yod pa de na gnas pa de bzhin du de bzhin gshegs pa dgra
64a7 bcom pa yang dag par rdzogs pa'i sangs rgyas sman pa chen po zug rngu 'byin pas kyang 'dzam bu'i gling pa'i sems can bskal pa bye ba phrag grangs med pa tshun chad nas 'dod chags dang zhe sdang dang / gti mug la sogs pa nyon mongs pa'i dug gis
64a8 phog pa'i sems can shin tu rmas pa thams cad kyi zug rngu rnams theg pa chen po'i mdo'i sde tshan sna tshogs kyi dge ba'i rtsa ba'i sman rnams kyis gso bar mdzad do/ /gsos nas kyang de rnams mya ngan las bzlas te gang na sems can rmas pa rnams
iiif viewer powered by OpenSeadragon
Texts on this page
J65 - 'phags pa yongs su mya ngan las 'das pa chen po theg pa chen po'i mdo