rKTs

e-texts navigator

Volume

Page

63b₁ nor yongs su bsags par byed pa de ni de dag gi yongs su bsags pa zhes bya'o/ /de la yongs su bsags pa zhes bya ba ni rnam pa gnyis te/ 'dus byas yongs su bsags pa dang / 'dus ma byas yongs su bsags pa'o/ /de la nyan thos ni
63b₂ 'dus byas yongs su bsags pa'i rnam pa'o/ /de bzhin gshegs pa ni 'dus ma byas pa'i yongs su bsags pa'i rnam pa'o/ /dge 'dun ni rnam pa gnyis te/ 'dus byas kyi dge 'dun dang / 'dus ma byas kyi dge 'dun no/ /de la 'dus byas kyi dge
63b₃ 'dun zhes bya ba ni nyan thos kyi dge 'dun yin te/ nyan thos kyi dge 'dun la ni yongs su bsags pa yang med na/ bran dang bran mo la sogs pa rdzas ngan pa rnams dang mdzod dang bang ba yongs su 'dzin pa lta ga la yod de/ 'os ma yin pas na de
63b₄ ni lan tshwa dang / til tsam yang yongs su bsags par mi byed do/ /gang dag bcom ldan 'das kyis bdag cag la bran dang bran mo la sogs pa 'chang du gnang ngo zhes zer ba de dag gi lce ni lkug par 'gyur srid do/ /nyan thos de dag ni yongs su
63b₅ bsags pa med pa'i rnam pa yin te/ de dag ni zas yongs su shes pa'o/ /gang dag zas la zhen pa med pa de dag ni zas yongs su shes pa yin no/ /de dag ni 'gro ba'i lam du rjes gcad par dka'o/ /de dag ni myur ba kho nar sangs rgyas
63b₆ nyid du nye bar gnas so/ /de dag gi 'gro ba ni rjes gcad dka'o zhes de bzhin gshegs pa gsung ngo / /yang bka' stsal pa/ gal te 'dus byas kyi dge 'dun la yang yongs su bsags pa med na/ 'dus ma byas pa'i dge 'dun lta ga la yod/
63b₇ 'dus ma byas pa'i dge 'dun ni de bzhin gshegs pa ste/ de bzhin gshegs pa la gsang ba'i chos bstan pa ga la yod/ gsang ba gang yin pa de ni yongs su bsags pa'o/ /rjes gcad du med pa ni mi g.yo ba'i bde ba ste mya ngan las 'das pa'i
63b₈ don to/ /de la ni nam mkha' yang med/ lo dang nyi ma dang zla ba rnams kyis kyang byar med/ 'jug rings dang / skar ma'i tshogs rnams dang / ri rnams dang / dus dang / sprin rnams kyang med de/ skye ba'i rgyun chad pa 'chi ba dang / na ba dang / rga ba

_{iiif viewer powered by OpenSeadragon}

63a - 64a

Texts on this page