| e-texts navigator |
| བོད་ཡིག |
63a1 pa'i brda sprod pa bstan to/ /rigs kyi bu gzhan yang gang gi tshe yi ge phyed pa bslabs nas sgra rig pa'i 'os su gyur pa de'i tshe khyim bdag bran gza' can gyis gal te brda sprod pa'i don slob par mi byed na ni de lta na ser sna byed pa'i phyir
63a2 gsang ba zhes bya'o/ /gal te brda sprod pa'i don bstan na ni byis pas brda sprod pa rdzogs par lobs par 'gyur ba de bzhin du nga yang nyan thos rnams la ji srid du theg pa chen po'i snod du ma gyur pa de srid du gsung rab yan lag dgu ston te/
63a3 gal te ngas sems can snod du gyur pa rnams la theg pa chen po bslab pa gsang bar byas na ni de ltar na nga la brda sprod pa dang 'dra bar gsang bar byas so zhes smra ba'i rigs so/ /da ni ngas brda sprod pa dang 'dra bar de bzhin gshegs pa rtag pa dang / brtan par
63a4 bstan te/ khyim bdag bran gza' can dang 'dra bar rang gi sras tshar phyin par mdzad do/ /de ltar na rig pa thams cad tshar phyin par byed pa bzhin du tshar phyin par byed do/ /rigs kyi bu gzhan yang dper na dbyar gyi sprin chen po rnams 'brug di ri ri sgrogs
63a5 shing char chen po 'bebs su zin kyang sems can kha cig gi sa bon ma skyes na ci de la sprin chen po rnams kyis nyes sam/ ci sprin chen po rnams char mi 'bebs sam/ de bzhin du deng ngas yongs su mya ngan las 'das pa chen po gsang chen ma
63a6 lus par bstan kyang sems can snod du ma gyur pa gang yin pa de dag gis mi thos so/ /yang bka' stsal pa/ gang dag la ni yongs bstsags med/ /gang dag gi ni zas mi rtogs/ /mkha' la bya rnams rjes 'dra bar/ /de dag rjes gcad dka' ba
63a7 yin/ /bstan pa 'di'i don ji lta bu zhe na/ su dag la ni yongs bsags med/ /su dag gi ni zos mi rtogs/ /gang dag gi ni rjes gcad dka'/ /su song gang du song ba na/ /de dag rjes gcad dka' ba yin/ /de la rin po che la
63a8 sogs pa ni bsags pa'o/ /yongs shes bya ba ni phrad kyi bye brag gi tha tshig go/ /yongs shes bya ba ni bsdus pa'i don te 'dir rdzas bzang po bsgrubs pa'i tha tshig go/ /bsags pa zhes bya ba dang / nor zhes bya ba ni don gcig go/ /gang
iiif viewer powered by OpenSeadragon
Texts on this page
J65 - 'phags pa yongs su mya ngan las 'das pa chen po theg pa chen po'i mdo