| e-texts navigator |
| བོད་ཡིག |
62b1 nga'i bstan pa la ni gsang ba med de/ sangs rgyas kyi gsung ni ston gyi zla ba rgyas pa bzhin du skyon med pa dang / mtshan mas ma btab pa dang / rmongs pa med pa dang / gsang ba dang gsang chen dang bral ba dang / gsal ba yin no// //
62b2 bam po drug pa/ rigs kyi bu dper na khyim bdag bran gza' can nor bye ba bdog pa zhig la bu gcig pa sdug cing phangs la gces shing yid du 'ong ba zhig yod de/ des bu de bu'i slob dpon las phyir bkug nas bu la byams pa'i phyir bdag
62b3 nyid kyis bsgrims te yi ge phyed pa slob par byed na/ des bsgrims te yi ge phyed pa bslabs su zin kyang ci brda sprod pa'i don gyis bye brag ston par nus sam/ bstan par nus su zin kyang ci des yi ge phyed pa bslabs pas brda sprod pa'i don
62b4 shes par 'gyur ram/ ci khyim bdag bran gza' can rang gi bu la gsang bar byed dam/ gsol pa/ bcom ldan 'das de ni ma lags te/ bu'i shes pa'i rtsal dang / yid rno rtul de 'dra ba dang / shes pa'i rtsal dang mi ldan pa'i rgyus na
62b5 de la gsang ba dang 'dra bar gda' bar gyur lags so/ /de la yid mi bde ba dang / g.yo ba dang / ser sna gang lags pa de ni gsang ba lags par rig par bgyi'o/ /dad pa dang dga' bas bu gcig pa'i 'du shes dang ldan pa gang lags pa de ni
62b6 gsang ba zhes mi bgyi lags so/ /bka' stsal pa/ rigs kyi bu legs so legs so/ /rigs kyi bu khyod legs so/ /sdang ba dang / g.yo dang ser sna dang ldan pa gang yin pa de ni gsang ba yin te/ de'i stobs dang byams pas kyang khyim
62b7 bdag bran gza' can de ston par mi byed pa de bzhin du khyim bdag bran gza' can ltar nga sems can thams cad la bu gcig pa'i 'du shes bsgoms pa dang ldan mod kyi/ byis pa de dag gis mi bzod pa'i phyir nga dgongs pa'i tshig mi ston
62b8 te/ ngas yi ge phyed pa dang 'dra bar ni gsung rab yan lag dgu ston to/ /brda sprod dang 'dra bar ni stobs bcu dang / 'phags pa'i bden pa bzhi dang / 'phags pa'i lam yan lag brgyad pa dang / theg pa chen po shin tu rgyas
iiif viewer powered by OpenSeadragon
Texts on this page
J65 - 'phags pa yongs su mya ngan las 'das pa chen po theg pa chen po'i mdo