rKTs

e-texts navigator

Volume

Page

62a₁ lags de bzhin gshegs pa yang snod dang 'dra bar bas par 'gyur ram/ gal te de bzhin gshegs pa yang til mar gyi snod dang 'dra na ni de bzhin gshegs pa yang zad par 'gyur bar bka' stsal par mi 'gyur lags sam/ bka' stsal pa/ de bzhin
62a₂ gshegs pa ni snod dang 'dra ba ma yin te/ mchog tu rtag pa gang yin pa de ni de bzhin gshegs pa ste/ de bas na mya ngan las 'das pa rtag tu mchog tu bde ba yin no/ /rigs kyi bu gzhan yang mar me'i gnas dang 'dra ba ni dgra bcom pa yin te/
62a₃ de bas na mya ngan las 'das pa'i gnas dgra bcom pa nyid thob pa ni 'bras bu'i mchog ces bya'o/ /dgra bcom pa thams cad ni zang zing la zhen pa dang bral te/ zang zing med pa dang / mar me'i gnas bzhin du mthar thug pa dang / zang zing med pa
62a₄ la dga' ba yin no/ /phyir mi 'ong ba yang zang zing med pa'i don yin par ngas dgongs pa'i tshig gis bstan te mya ngan las 'das pa'i gnas ni ma yin no/ /gsol pa/ phyir mi 'ong ba zhes bka' stsal pa de'i don ci lags/ bka' stsal pa/
62a₅ yang srid pa mi len pa gang yin pa de ni phyir mi 'ong ba zhes bya'o/ /gsol pa/ bcom ldan 'das phyir mi 'ong ba zhes bgyi ba lags na phyir mi 'ong ba gang lags pa de la yang srid pa len pa mchis par 'gyur na/ ci'i slad du phyir mi 'ong ba
62a₆ yang slar 'di rang bzhin gyis mi gtsang ba'i srin bu 'tshal ba'i lus can du skye bar mi 'gyur lags/ bka' stsal pa/ lus de ni mi len mod kyi dug sman bzhin du lus len to/ /de bas na phyir mi 'ong ba zhes bya'o/ /phyir mi 'ong ba zhes
62a₇ bya ba ni lus zhes bya ba'i tha tshig go/ phyir 'ong ba zhes bya ba ni phan tshun 'gro zhes bya ba'i tha tshig go/ /gsol pa/ bcom ldan 'das ci lags/ bcom ldan 'das kyis bstan pa la gsang ba mchis sam/ dgongs pa'i tshig dgongs pa'i
62a₈ tshig ces gsang bar mi mdzad du gsol/ bcom ldan 'das ci lags/ sangs rgyas kyi gsung mig 'phrul mkhan gyi 'khrul 'khor dang / sgyu ma mkhan gyis bgyis pa'i 'khrul 'khor gyi sgyu ma'i bud med dang 'dra lags sam/ bka' stsal pa/

_{iiif viewer powered by OpenSeadragon}

61b - 62b

Texts on this page