rKTs

e-texts navigator

Volume

Page

61a₁ ' dzam bu'i gling la lar ni sems can rnams nges par bsgral ba'i phyir bdag nyid khams bzhi po rnams su sgyur bar byed cing sems can rnams kyi nad bsal ba'i phyir bdag nyid sman dang shing thams cad du sgyur bar
61a₂ byed do/ /'dzam bu'i gling la lar ni ya mtshan can thams cad kyi nang du rab tu 'byung bar yang ston te/ thams cad du mkhan po byed cing mchod par 'gyur ro/ /de bzhin gshegs pa ni sngon bskal pa bye ba phrag grangs med pa nas rab tu 'byung ba'i de
61a₃ kho na nyid kyi don mthar thug zin bzhin du ya mtshan can thams cad kyi nang du rab tu 'byung ba ston te/ de dag nges par bsgral ba'i phyir ro/ /de bzhin gshegs pa ni rtag tu rang bzhin gyi skur gnas mod kyi/ sems can thams cad nges par bsgral
61a₄ ba'i phyir bzo'i gnas thams cad du yang slob dpon byed de/ rig sngags dang gsang sngags dang sprul pa thams cad kyang ston la/ ya mtshan can thams cad kyis rgyags pa dang / nga rgyal bcom nas de dag la shing bal lta bur snying po med pa
61a₅ yang dag par ston cing de dag dam pa'i chos la 'dzud par byed pa 'di ni 'jig rten dang 'thun par bya ba yin te/ der sems can lta ba'i 'du shes can rnams kyis sems can 'di ni 'jig rten pa'o snyam du yang dag par shes mod kyi de bzhin
61a₆ gshegs pa ni 'jig rten ma yin gyi/ 'jig rten las 'das pa'i chos gzigs pa ma yin no/ /'dzam bu'i gling la lar ni 'jig rten dang 'thun par bya bas nges par bsgral bar bya ba'i phyir bran dang bran mor yang ston te/ sems can rnams kyis
61a₇ bran dang bran mo'o snyam du yang dag par shes pa de ni rigs dma' bar ston pa yin no/ /'dzam bu'i gling la lar ni ngas 'jig rten gyi bya ba thams cad bstan te sems can rnams kyis sems can 'di ni 'jig rten lhur byed pa yin no snyam du yang
61a₈ dag par shes so/ /de ltar ston du zin kyang de bzhin gshegs pa ni las de byed pa ma yin te 'jig rten thams cad dang 'thun par bya ba ni 'jig rten bsgral ba'i phyir ro/ /de bzhin du byang gi sgra mi snyan dang / shar gyi lus 'phags dang / nub kyi

_{iiif viewer powered by OpenSeadragon}

60b - 61b

Texts on this page