rKTs

e-texts navigator

Volume

Page

60b₁ rgyan pos rtse bar byed/ g.yengs pa la dga' bar byed de/ las chen po de dag byed mod kyi/ nga ni las chen po de byed pa yang ma yin la sems can rnams kyis ni 'di ni las de byed pa yin no snyam du yang dag par shes so/ /'dzam bu'i
60b₂ gling la lar ni bya rgod dang khra rnams nges par bsgral ba'i phyir nga dur khrod du 'gro bar byed mod kyi/ der nga lta ba'i 'du shes mi 'jug go/ /'dzam bu'i gling la lar ni dam pa'i chos gnas par bya ba'i phyir nga khyim bdag tu yang ston to/ /dam pa'i chos
60b₃ skyong ba dang / 'jig rten skyong ba bsrung ba'i phyir blon po rnams kyi nang du blon por bkur ro/ /gzhon nu rnams la dam pa'i chos yang dag par bstan pa'i phyir gzhon nu rnams kyi nang du gzhon nur bkur ro/ /dam pa'i chos kyi rgyal po'i chos
60b₄ lugs yang dag par bstan pa'i phyir rgyal po rnams kyi nang du rgyal por bkur ro/ /'dzam bu'i gling la lar ni nad kyi bar gyi bskal pa'i nang du sems can rnams la sman byin nas de dag dam chos la gzud par byed de/ sems can rnams
60b₅ kyis nad kyi bar gyi bskal pa'o snyam du yang dag par shes so/ /'dzam bu'i gling la lar ni mu ge'i bar gyi bskal pa'i nang du bkres shing nyam chung ba'i sems can rnams bdud rtsi'i zas kyis tshim par byas nas dam pa'i chos la 'dzud par
60b₆ byed de/ sems can rnams kyis mu ge'i bar gyi bskal pa'o snyam du yang dag par shes so/ /'dzam bu'i gling la lar ni mtshon gyi bar gyi bskal pa bstan te/ de dag tshogs shing gcig la gcig gsod pa'i dus la bab pa na de dag dam pa'i
60b₇ chos la 'dzud par byed de/ sems can rnams kyis mtshon gyi bar gyi bskal pa'o snyam du yang dag par shes so/ /'dzam bu'i gling la lar ni sems can rtag pa'i 'du shes can rnams la mi rtag pa'i 'du shes bstan pa'i phyir sreg pa'i bskal
60b₈ pa ston te/ sems can rnams kyis sreg pa'i bskal pa'o snyam du yang dag par shes so/ /'dzam bu'i gling la lar ni sems can rnams la sgra skad bstan te/ de dag sgra skad kyis drangs nas nges par sgrol bar byed

_{iiif viewer powered by OpenSeadragon}

60a - 61a

Texts on this page