| e-texts navigator |
| བོད་ཡིག |
60a1 dag par shes la/ de bzhin gshegs pa ni rtag tu skyes pa kho na yin bzhin du sems can rnams gdul ba'i phyir gnyi gar yang ston to/ /de bzhin du gzugs du ma'i thabs kyi phyogs la 'jug pa bstan te de dag thams
60a2 cad kyang 'jig rten dang 'thun par bya ba tsam du zad do/ /'dzam bu'i gling la lar ni ngas 'gro ba bzhi po rnams su skye bar bstan te de'i las byed pa yang ma yin no/ /dud 'gro'i skyes gnas su 'jug pa yang 'jig rten dang 'thun par bya ba
60a3 tsam du zad do/ /'dzam bu'i gling la lar ni ngas tshangs pa'i gzugs bstan te tshangs pa la dad pa'i sems can rnams la bgegs bya ba bstan nas dam pa'i chos la dgod par byed la/ de'i las byed pa yang ma yin te sems can
60a4 rnams kyis tshangs pa'i bdag po'o snyam du yang dag par shes so/ /de bzhin du lha thams cad kyi gnas su de'i gzugs kyi bgegs byas nas sems can thams cad dam pa'i chos la 'god par byed de sems can rnams kyis lha thams
60a5 cad kyi gnas kyi bdag po'o snyam du yang dag par shes so/ /'dzam bu'i gling la lar ni ngas smad 'tshong ma rnams nges par bsgral ba'i phyir smad 'tshong ma'i khyim du 'gro ba bstan la/ nga la 'dod pa'i nyes pa yang mi skye ste/ chu'i nang gi
60a6 pad ma bzhin du nga la 'dod pa rnams kyi nyes pas mi gos so/ /nga ni 'dod pa la chags pa'i sems can rnams 'dod pa'i chu bo las nges par bsgral ba'i phyir bzhi mdo dang sum mdo thams cad du yang snang mod kyi de'i las byed pa yang ma yin
60a7 te/ sems can rnams kyis ni 'di ni yul rgyu ba yin no snyam du yang dag par shes so/ /'dzam bu'i gling la lar ni dmangs mo rnams dam pa'i chos la gzud pa'i phyir nga rol mo'i gnas su 'gro bar byed mod kyi/ nga ni las de byed pa yang ma yin
60a8 no/ /'dzam bu'i gling la lar ni byis pa rnams nges par bsgral ba'i phyir yi ge slob pa'i sar song ste/ grwa dpon byed cing byis pa rnams slob par byed do/ /'dzam bu'i gling la lar ni sems can de dag bsgral ba'i phyir nga chang 'thung bar byed/
iiif viewer powered by OpenSeadragon
Texts on this page
J65 - 'phags pa yongs su mya ngan las 'das pa chen po theg pa chen po'i mdo