rKTs

e-texts navigator

Volume

Page

58a₁ las log pas na nga la rna cha gdub kor seng ge can btags pa med de/ rna cha gdub kor seng ge can thogs par bstan pa ni 'jig rten dang 'thun par bya ba tsam du zad do/ /'dzam bu'i gling la lar ni ngas yi
58a₂ ge slob pa'i sar 'gro ba bstan mod kyi/ 'jig rten gsum na nga'i mkhan por rung ba ma mthong ste/ nga nyid sems can thams cad kyi mkhan po yin no/ /de bas na nga'i ming thams cad mkhyen pa zhes bya'o/ /nga ni bskal pa bye ba phrag grangs med
58a₃ pa nas kyang yi ge slob pa'i sa na gnas pa las 'das te/ bla na med pa yang dag par rdzogs pa'i byang chub brnyes na/ 'on kyang sems can rnams kyis khye'u 'di yi ge slob pa'i sar song ngo snyam du yang dag par shes te 'di ni 'jig rten
58a₄ dang 'thun par bya ba tsam du zad par khong du chud par gyis shig / 'dzam bu'i gling la lar ni ngas glang po che dang / rta dang / shing rta dang / dpung bu chung dang / rin po che sna tshogs dang / gter dang / rgyal srid kyi dbang phyug rnams kyang
58a₅ bstan/ rgyal tshab byed pa yang bstan te/ ngas ni sngon bskal pa bye ba phrag grangs med pa nas kyang 'dod pa'i longs spyod rnams spangs mod kyi/ sems can rnams kyis rgyal tshab ni 'dod pa rnams la longs spyod do snyam du yang dag
58a₆ par shes so/ /'dzam bu'i gling la lar ni ngas 'khor los sgyur ba'i rgyal por gyur pa bstan te ngas ni bskal pa bye ba phrag mang po grangs med pa nas de spangs nas chos kyi 'khor lo bskor te ngas de bu'i sha bzhin du bor nas rgyal srid kyi longs
58a₇ spyod yongs su 'dzin pa spangs na 'on kyang sems can rnams kyis 'khor los bsgyur ba'i rgyal po snyam du yang dag par shes te/ 'di ni 'jig rten dang 'thun par bya ba tsam du zad do/ /'dzam bu'i gling la lar ni ngas rgan po dang / nad pa dang /
58a₈ shi ba mthong nas skyo bar gyur te/ gar thabs lta bu'i bde ba thams cad spangs nas rab tu 'byung ba bstan te/ sems can rnams kyis kye ma gzhon nu ni rab tu byung ngo snyam du yang dag par shes so/ /ngas ni bskal pa bye ba phrag grangs med pa nas

_{iiif viewer powered by OpenSeadragon}

57b - 58b

Texts on this page