| e-texts navigator |
| བོད་ཡིག |
54a1 ba'i phyir chos kyi rnam grangs 'di bzhi'i chos ston par byed de/ yongs su mya ngan las 'das pa chen po'i mdo chen po ni don gyi dmigs byung ba zhes bya ba yin par rig par bya'o/ /bdag gi lhag pa'i bsam pa zhes bya ba ni deng
54a2 nga'i lhag pa'i bsam pa bstan pa bshad pas na bdag gi lhag pa'i bsam pa zhes bya ba yang yongs su mya ngan las 'das pa chen po'i mdo chen po yin par rig par bya'o/ /gzhan gyi lhag pa'i bsam pa zhes bya ba yang ngas dge slong rnams kyi bsam
54a3 pa rtogs nas nga ni rtag go zhes bstan pas na gzhan gyi lhag pa'i bsam pa yang yongs su mya ngan las 'das pa chen po'i mdo chen po yin par rig par bya'o/ /'dri ba'i dbang zhes bya ba yang byang chub sems dpa' sems dpa' chen po mchog tu
54a4 cha phra ba'i ye shes dang ldan pa 'od srung chen po dang rus gcig pa khyod kyi dbang du byas nas/ nyan thos dang rang sangs rgyas thams cad kyis sngon ma thos pa'i tshig yi ge 'bru gcig pa'i thig le'i gtam dgongs pa'i tshig gsang ba sna tshogs
54a5 bstan pas na/ de'i phyir 'dri ba'i dbang yang yongs su mya ngan las 'das pa chen po'i mdo chen po yin par rig par bya'o/ /de la la la zhig 'di ltar na ni slu bar 'gyur la/ 'di ltar na ni slu bar mi 'gyur ro snyam du rtog ste/ dper na mi
54a6 la la zhig nam mkha' zhes kyang zer/ mkha' zhes kyang zer/ ci yang med pa zhes kyang zer/ thogs pa med pa zhes kyang zer te/ de de skad zer na gzhan dag la slu ba ma yin no/ /de bzhin du yongs su mya ngan las 'das pa chen po 'di las
54a7 rigs kyi bu'am rigs kyi bu mo bcom ldan 'das kyis gsungs pa'i rtag pa 'di la mos nas chos kyi sna grangs bzhi po rnams rjod par byed na gzhan dag la slu ba ma yin no/ /lcags kyi gar bu me 'bar ba/ /rdung ba'i tshe na khad kyis ni/ /
54a8 grangs par 'gyur yang me yi drod/ /gang du song ba mi rig ltar/ /de bzhin yang dag rnam grol ba/ /'dod pa'i 'dam dang chu bo rgal/ /mi g.yo bde ba thob rnams kyang / /gang du song ba gdags su med/ /yang bka' stsal pa/
iiif viewer powered by OpenSeadragon
Texts on this page
J65 - 'phags pa yongs su mya ngan las 'das pa chen po theg pa chen po'i mdo