rKTs

e-texts navigator

Volume

Page

53b₁ ma zer cig / de bzhin gshegs pa ni yon tan gyi khyad par gyi chos bcu yang dag par gzigs pa yin la/ sems can thams cad la yang sgra gcan zin bzhin du gzigs na/ ji ltar dge slong rnams mnar med par 'gro bar mdzad/
53b₂ de bzhin gshegs pa ni gal te sems can gcig gi rgyu de 'dra ba zhig gzigs na yang des nges par bsgral ba'i phyir bskal pa'am bskal pa las lhag par yang sems can dmyal bar bzhugs spyod na thugs brtse ba dang ldan pa ji ltar nyid kyi sras
53b₃ rnams la slu bar mdzad/ 'od srung chen po dang rus gcig pa dper na grong khyer ram ri khrod kyi grong zhig na tha ga pa zhig yod na de ni der ras btag pa'i yo byad thags cha gang kha rgal ba 'dor bar byed pa dang / dper na 'khor los sgyur ba'i rgyal po
53b₄ n i thog ma kho nar dge ba bcu'i las kyi lam rnams cig car sbyong bar mi byed kyi sems can gang dang gang chos ma yin pa la sten pa de dang de dag 'khor lo rin po ches btul nas dam pa'i chos la 'god pa de bzhin du sangs rgyas bcom ldan
53b₅ 'das kyang thog ma kho nar so sor thar pa'i bslab pa'i gzhi cig char 'cha' bar mi mdzad kyi/ dge slong gang dang gang gis nyes pa ci dang ci byas pa'i don gyi dmigs byung ba de dang de gleng gzhir mdzad nas bslab pa'i gzhi 'cha' bar mdzad la
53b₆ sems can chos 'dod pa gang yin pa rnams kyis de dang de mthong na yid ches par 'gyur te de dag dpang du 'jog go/ /de ltar na shin tu brtag dka' ba'i chos yang dag par gzigs nas thag pa dang 'khor los sgyur ba'i rgyal po'i chos nyid ji
53b₇ lta ba bzhin du chos kyi 'khor lo skor ba'i sangs rgyas rnams kyi chos nyid kyang de dang 'dra ste/ de ltar na sangs rgyas bcom ldan 'das rnams bsam gyis mi khyab bo/ /chos bstan pa yang bsam gyis mi khyab bo/ /de bzhin du nyan pa po
53b₈ rnams dang / yid ches pa rnams kyang bsam gyis mi khyab ste/ 'di ni don gyi dmigs byung ba'i dbang zhes bya'o/ /byang chub sems dpa' sems dpa' chen po rnams ni don gyi dmigs byung ba'i phyir dang / nga yongs su mya ngan las 'da'

_{iiif viewer powered by OpenSeadragon}

53a - 54a

Texts on this page