rKTs

e-texts navigator

Volume

Page

52b₁ gshegs pas thog mar mgo gcig kho nar bka' stsal na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kyis ko sa la'i rgyal po gsal rgyal la don dang tshig 'di rnams ci'i slad du bka' ma
52b₂ stsal/ bcom ldan 'das de bzhin gshegs pas chos kyi sgo de ltar bka' stsal pa ni legs par gsungs pa ma lags so zhes zer na nyes par 'gyur ro zhes nga zer ro/ /srung ba zhes bya ba ni ji skad bshad/ 'dul ba zhes bya ba ni ji skad
52b₃ bshad/ so sor thar pa zhes bya ba ni ji skad bshad ce na/ nyes pa gzhan yang du ma yod de de dag nyon cig /de la so sor thar pa ji skad bshad ce na/ so sor thar pa zhes bya ba ni chog shes pa dang / yo byad bsnyungs pa dang / len pa med pa'o/ /
52b₄ gcig tu na so sor thar pa zhes bya ba ni gnyi ga'i don las gso bar byed pa'i phyir ro/ /log pa'i tshig las grol bar byed pas na thar pa'o/ /srung ba zhes bya ba ni rung ba ma yin pa thams cad kyis 'tsho bas 'gro ba bzhi po rnams su ltung
52b₅ bar byed pa dang / sems can dmyal ba mnar med pa la sogs pa 'jigs pa'i gnas thams cad du btso bar 'gyur ba de las srung ba'i phyir ro/ /'dul ba zhes bya ba ni thob par byed pa dang / 'dul bar byed pa dang / cho ga ston pa'i
52b₆ phyir dang / rdzas ngan pa len pa la nges par 'byung ba med pa'i phyir rdzas ngan pa len pa yang med/ rdzas ngan pa sbyin pa yang med pa de ni 'dul ba zhes bya'o/ /'o na 'dul ba'i bslab pa'i gzhi de ci'i phyir cig car ma bcas she na/ de'i tshe
52b₇ kha cig pham pa bzhi'i nyes pa byung ba dag kyang yod/ dge 'dun gyi lhag ma bcu gsum gyi nyes pa byung ba dag kyang yod/ spang ba'i ltung ba sum bcu'i nyes pa byung ba dag kyang yod/ ltung ba'i nyi tshe ba dgu bcu rtsa gcig gi nyes pa byung ba dag kyang
52b₈ yod/ so sor bshags par bya ba bzhi'i nyes pa byung ba dag kyang yod/ bslab pa mang po'i chos kyi nyes pa byung ba dag kyang yod/ rtsod pa zhi bar bya ba bdun gyi nyes pa byung ba dag kyang yod/ rtag tu bslab pa thams cad las 'gal bar

_{iiif viewer powered by OpenSeadragon}

52a - 53a

Texts on this page