rKTs

e-texts navigator

Volume

Page

51b₁ mi ngo shes te/ de dag gis dri tshor nas 'chi ba'i 'jigs pas skrag par 'gyur te/ de rgyu zhing 'gro ba na chu dang / skam sa dang / nam mkha' la gnas pa'i skye bo rnams skrag ste/ bdag cag 'dis gsad du 'ong ngo snyam nas 'khams nas kyang 'chi bar
51b₂ 'gyur ro/ /rgyu de dag gis na byang chub sems dpa' sems dpa' chen po rnams sha mi za'o/ /gdul bar bya ba'i dbang gis ni sha za ba lta bur yang ston mod kyi/ kha zas tha mal pa yang mi za na sha lta ci smos/ rigs kyi bu nga 'das pa'i 'og tu
51b₃ lo brgya phrag mang po 'das pa na rgyun tu zhugs pa dang / lan gcig phyir 'ong ba dang / phyir mi 'ong ba dang / dgra bcom pa rnams med par gyur la/ dam pa'i chos gtan zhig pa'i tshe dge slong 'dul ba dang ma mo 'dzin pa/ rtog pa sna tshogs can/
51b₄ rang gi lus gso bar byed pa/ sha sna tshogs gces par 'dzin pa/ khams 'khrugs pa dang / bkres pa dang / skom pas gzir ba/ cha lugs 'jigs 'jigs ltar 'dug pa/ ba lang rdzi 'dra ba/ bya ba 'dra ba/ chos gos tshon can gyi rtags
51b₅ 'chang ba/ byi la'i brtul zhugs spyod pa/ bdag ni dgra bcom pa yin no zhes khas 'che ba/ gnod pa mang pos nyen pa/ rang gi gcin dang phyi sas lus gos pa/ thub pa bzhin du cha lugs bzang por 'chos pa/ dge sbyong ma yin par dge
51b₆ sbyong ltar 'chos pa/ dam pa'i chos ltar bcos ma'i yi ge 'chang ba dag 'byung bar 'gyur te/ de dag gis ngas bcas pa'i 'dul ba dang / cho ga dang / spyod yul dang ldan pa'i tshul dang / rung ba ma yin pa la chags pa las rnam par grol
51b₇ ba/ thar pa'i de kho na nyid kyi yi ge bshig nas 'dul ba dang / mdo sde so so nas ci dga' mgur 'chos shing smra bar byed de/ 'di ltar bdag cag gi 'dul ba las bcom ldan 'das kyis sha'i bcud kyi sbyin pa ni rung ba yin no zhes gsungs
51b₈ so zhes zer zhing / shAkya'i bu'i dge sbyong rnams bdag nyid kyis rang bzor byed cing 'gal bar smra ba dag 'byung bar 'gyur ro/ /rigs kyi bu gzhan yang rung ba ma yin pa'i 'bras rjen pa dang / sha dang nya sha len pa dang / snams su sbyor ba

_{iiif viewer powered by OpenSeadragon}

51a - 52a

Texts on this page