| e-texts navigator |
| བོད་ཡིག |
51a1 'gyur ro zhes ngas bstan to/ /gsol pa/ bcom ldan 'das 'o na ji ltar mu gsum yongs su dag pa'i sha bza' bar gnang lags/ bka' stsal pa/ mu gsum yongs su dag pa 'di ni ngas rim gyis bslab pa'i gzhi
51a2 bsdam pa'i phyir deng ngas bor ro/ /gsol pa/ bcom ldan 'das ci las dgongs te don ched kyi mu dgu dang / sha rnam pa bcu spang ba bka' stsal lags/ bka' stsal pa/ tshig bzhag pa de dag kyang sha mi bza' bar bsdam pa'i phyir bcad do/ /
51a3 gsol pa/ bcom ldan 'das ci las dgongs te sha dang nya sha bza' ba yang kha zas bzang por gsungs lags/ bka' stsal pa/ ngas ni sha dang nya sha kha zas bzang por ma gsungs kyi/ ngas ni bu ram shing dang / 'bras sA lu dang / 'bru dang /
51a4 gro dang / nas dang / sran sde'u dang / sran dre'u rnams dang / mngar bag kha ra dang / li kha ra dang / sbrang rtsi dang / mar dang / 'o ma dang / 'bru mar rnams kha zas bzang por gsungs so/ /ngas ni lus g.yogs pa'i phyir gos sna tshogs kyang
51a5 kha dog ngan par bsgyur bar bya'o zhes bstan na sha bza' ba'i ro la chags pa lta ci smos/ gsol pa/ de lta na ni ba'i bcud rnam lnga dang / til dang / 'bru mar shing gi khu ba dang / dung dang / zab dar la sogs pa yang khrims su bca' ba'i
51a6 rigs lags so/ /bka' stsal pa/ gcer bu pa'i lta ba ma 'dzin cig /nga ni 'du shes gzhan gyis da khyod la bslab pa'i gzhi bca' bar bya ste/ mu gsum gyi sha yang mi bza' bar bsdams so/ /don ched du byas pa khyod kyis rig pa de yang
51a7 bsdams so/ /sha rnam pa bcu la ma gtogs pa de yang spangs so/ /shi ba'i sha yang spangs so/ /sha za ba ni 'gro yang rung 'dug kyang rung ste/ srog chags thams cad de'i dri tshor nas des 'jigs te/ dper na mis shing kun nam sgog pa
51a8 zos na mi'o cog gi sems ma dad par 'gyur zhing mi mthun par 'gyur la mi mang po tshogs pa 'am/ skye bo mang pos gang ba'i nang du sems can de dag gis che ge mo zhig gis zos so zhes shes pa de bzhin du srog chags thams cad kyis sha za ba'i
iiif viewer powered by OpenSeadragon
Texts on this page
J65 - 'phags pa yongs su mya ngan las 'das pa chen po theg pa chen po'i mdo