rKTs

e-texts navigator

Volume

Page

50b₁ de dag gis mthong ba de bzhin du che zhe nga la mi rtag go snyam du 'du shes ma byed cig / deng de bzhin gshegs pa yongs su mya ngan las 'da' bar 'gyur ro zhes shi ba'i 'du shes bzhin du de ltar ma 'dzin cig /gang dag rtag tu de bzhin
50b₂ gshegs pa rtag pa dang / brtan pa dang ther zug pa'o snyam du 'dzin pa de dag gi khyim na ni de bzhin gshegs pa bzhugs te 'di ni gzhan gyi lhag pa'i bsam pa zhes bya'o/ /'dri ba'i dbang zhes bya ba ni 'di na la la zhig de bzhin gshegs
50b₃ pa dgra bcom pa yang dag par rdzogs pa'i sangs rgyas la zhu bar byed de/ bcom ldan 'das ji ltar bgyis na bdag gis su la yang ci yang ma stsal bar 'jig rten du sbyin pa por grags pa'i gtam snyan pa thob par 'gyur lags/ de bzhin
50b₄ gshegs pas de la de skad ces bka' stsal to/ /chags pa med pa la bran dang bran mo blang bar stobs shig /gtan du tshangs par spyod pa la bu mo'i sbyin pa gyis shig /sha mi za ba la sha zar chug shig /chang mi 'thung ba la chang 'thung du
50b₅ chug shig / dus su za ba la dus ma yin par zas byin cig /me tog phreng dang rgyan mi thogs pa la phye ma dang / spos dang / me tog dang / bdug pa rnams byin cig /de dag gi dus shes par gyis la mgron du bos shig dang / khyod kyis
50b₆ de ltar byas na 'jig rten 'dir sbyin bdag gi rgyal po yin no/ /zhes grags pa chen por 'gyur te bsod nams 'phel bar ni mi 'gyur ro// // bam po lnga pa/ de nas 'od srung chen po dang rus gcig pas 'di skad ces gsol
50b₇ to/ /sha mi 'tshal ba la gzud pa ni ched cher bgyi ba lags na sha mi 'tshal ba la sha 'tshal du stsal na nongs par mi 'gyur lags sam/ bka' stsal pa/ rigs kyi bu legs so legs so/ /khyod kyis nga'i dgongs pa rig ste/ dam pa'i
50b₈ chos srung bas ni de ltar bya dgos so/ /rigs kyi bu da phyin cad nga'i nyan thos rnams sha za bar mi gnang ngo / /yul 'khor gyi bsod snyoms ni bu'i sha dang 'dra'o zhes bya na sha bza' bar ngas ji ltar gnang / sha za ba ni byams pa chen po chad par

_{iiif viewer powered by OpenSeadragon}

50a - 51a

Texts on this page