| e-texts navigator |
| བོད་ཡིག |
50a1 ci dang po'i zas kyis mgu bar 'gyur ram/ gsol pa/ bcom ldan 'das de ni ma lags so/ /bka' stsal pa/ che zhe de bzhin du gang gi tshe nga'i nyan thos rnams kyis byis pa chung ngu nyung ngu za ba dang 'dra ba de'i tshe nga
50a2 mar dang 'dra ba sdug bsngal dang / mi rtag pa dang stong pa dang bdag med pa'i don du ston to/ /gang gi tshe khyod kyi bu skyes pa bzhin du nyan thos chen por gyur te/ stobs cher skyes shing theg pa chen po 'dod par gyur pa de'i tshe ni nga yang ro drug dang
50a3 ldan pa'i kha zas chen po dang 'dra ba'i yongs su mya ngan las 'das pa chen po'i mdo chen po ston to/ /de la ro drug po rnams gang zhe na/ sdug bsngal gyi skyur dang / mi rtag pa'i lan tshwa dang / bdag med pa'i tsha ba dang / bde
50a4 ba'i mngar ba dang / bdag yod pa'i bska ba dang / rtag pa'i kha ba rnams te/ ro drug po 'di rnams nyon mongs pa'i bud shing dang sgyu ma'i mes btsos pa'i zas yongs su mya ngan las 'das pa chen po'i de kho na nyid kyi 'bras can zhim po nga'i
50a5 nyan thos rnams za bar 'gyur ro/ /che zhe gzhan yang dper na khyod gzhan gyis bos sam/ gzhan gyi gtsug pud bca' ba'i phyir grong gzhan du 'gro bar 'dod pa na bu ngan pa rnams bor te bu bzang po rnams blangs nas gter gsang ba rnams ston
50a6 par byed dam/ bcom ldan 'das de ni bka' mad de/ bu ngan pa tshul ma mchis pa nor gyi skal ba can ma lags pa de dag la ni bdag nor ston par mi bgyid lags kyi/ bdag ni bu bzang po khyim so 'dzin pa khyim gyi don sgrub pa rdzas bstan par
50a7 'os pa de dag la ston par bgyid lags so/ /bka' stsal pa/ che zhe de bzhin du gang gi tshe yongs su mya ngan las 'das pa chen por 'gro ba'i bya ba byed pa de'i tshe de bzhin gshegs pa gsang ba sna tshogs kyi dgongs pa'i tshig ma lus par nyan thos
50a8 rnams la ston te der sras rnams la dad pa sbyin par mdzad do/ /che zhe dper na khyod byes su song ba na bu ngan pa rnams khyod ma shi bar shi'o snyam du sems sam/ bcom ldan 'das de ni bka' mad do/ /bka' stsal pa/ de nas khyod phyir 'ongs pa
iiif viewer powered by OpenSeadragon
Texts on this page
J65 - 'phags pa yongs su mya ngan las 'das pa chen po theg pa chen po'i mdo