rKTs

e-texts navigator

Volume

Page

4b₁ tshul khrims blangs pa/ theg pa chen pos skom la ngoms nas kyang gzhan skom pa dag ngoms par bya'o snyam du dam bcas pa theg pa chen po la sred pa/ theg pa chen po la ser sna med pa 'jig rten thams cad dang 'thun par
4b₂ byed nus pa sha stag dang bdag cag rgal nas gzhan bsgral bar bya'o/ /bdag cag grol nas gzhan dgrol bar bya'o/ /dkon mchog gsum gyi gdung mi chad par bya'o/ /chos kyi 'khor lo bskor bar bya'o snyam du slob par 'dod
4b₃ pa/ go cha chen po bgos pa bslab pa rnams la sems gus pa dang / de bzhin du yon tan grangs med pa dang ldan pa/ bu gcig pa la bya ba bzhin du sems can thams cad la snying rje dang ldan pa sha stag ste/ de dag kyang nyi ma
4b₄ ' char kar de bzhin gshegs pa'i gdung zhugs la bzhen pa'i phyir re res kyang tsan dan dang a ga ru dang thang shing gi mchog dang tsan dan sa mchog pa'i bud shing rnams dang yam sreg shing dri bsung dang ldan pa yon tan can lnga stong lnga stong
4b₅ khyer te 'ongs so/ /de la yam sreg shing sna re zhing yang gser kyi skud pa rin po che sna bdun rigs bdun dang ldan pas spras pas dkris pa/ ri mo la bris pa kho na bzhin du 'dug pa/ rang bzhin gyis gzhon sha can legs par
4b₆ bcos pa sha stag ste/ sna re zhing yang 'od rnam pa sna tshogs dang ldan pa'i phung po chen po/ mdog sngo ba dang bar bar kha gcig tu mdog dkar kha cig du sngo skya kha cig tu rtsa dmar kha cig tu ser ba mig du sdug par bya ba sha stag go/ /bam
4b₇ po re re'i g.yogs ma'i phyar bu yang rin po che sna bdun las byas pa sha stag go/ /chings ma'i the gu mang po re re zhing yang ldong ros kyi mdog lta bu dang zar ma'i me tog gi mdog lta bu dang sngon po dang ser po rnams kyis bar bar du spel ba sha stag
4b₈ go/ /de la chings ma'i the gu mang po re re zhing yang gser thags kyi mchog rnam par dag pa/ yul mang por grags pa dag gis spel ba sha stag go/ /de la yam sreg shing sna re re zhing yang spos dri bsung zhim po dang me tog phreng dang /

_{iiif viewer powered by OpenSeadragon}

4a - 5a

Texts on this page