| e-texts navigator |
| བོད་ཡིག |
49a1 lta bu lags so/ /gzhan ni mya ngan du bgyi ba lags/ mi shes pa'i dgon pa na 'khod pa lags so/ /mdo'i ming gi gtan tshigs dang yon tan gyi tshul zhes bya ste gsum pa'o// // rigs kyi bu 'di la byang chub
49a2 sems dpa' sems dpa' chen po rnams ni mya ngan las 'das pa chen po'i mdo chen po las chos kyi snam grangs rnam pa bzhi ston par byed de/ snam grangs rnam pa bzhi gang zhe na/ rang gi lhag pa'i bsam pa zhes bya ba dang / gzhan gyi lhag pa'i
49a3 bsam pa zhes bya ba dang / 'dri ba'i dbang zhes bya ba dang / don gyi dmigs byung ba'i dbang zhes bya ba ste bzhi po ni de dag yin no/ /de la rang gi lhag pa'i bsam pa zhes bya ba ni de bzhin gshegs pas gang la gzigs nas chos ston par mdzad pa
49a4 ste/ dper na shing gi phung po 'bar zhing snang bar gyur pa gzigs nas dge slong dag gang dag de bzhin gshegs pa las gsang ba sna tshogs thos na 'di ni bdud kyis smras pa yin no zhes gzhan dag la zer zhing / rang bzo'i tshig 'bru sna tshogs
49a5 rnams la de bzhin gshegs pas gsungs pa yin no zhes byas nas sangs rgyas bcom ldan 'das dang / chos dang dge slong gi dge 'dun ni mi rtag go zhes zer ba bas ni shing gi phung po 'bar ba 'di la kun nas reg cing pang du blangs kyang sla'o/ /
49a6 gang dag bdud kyis smras pa'o zhes zer ba dang / gang dag phyin ci log gi chos de 'dzin par byed pa de dag ni brdzun du smra ba'o/ /de bzhin gshegs pa mi rtag go zhes bya ba'i tshig smra ba bas ni shing gi phung po 'bar ba 'di la lces kun nas reg par
49a7 byas te shi yang sla'i tshig de ni mnyan par yang mi bya'o/ /de bzhin gshegs pa rtag pa'o zhes 'dogs mi nus pa de dag ni mya ngan du bya ba yin no/ /sangs rgyas bcom ldan 'das ni bsam gyis mi khyab bo/ /de bzhin du de'i rjes su bstan
49a8 pa dang nyan thos kyi dge 'dun yang bsam gyis mi khyab bo snyam du gzung bar bya'o/ /de la sogs pa shing gi phung po 'bar ba zhes bya ba man cad ni rang gi lhag pa'i bsam pa zhes bya ba'i sna grangs so/ /gzhan gyi lhag pa'i bsam pa zhes bya ba ni
iiif viewer powered by OpenSeadragon
Texts on this page
J65 - 'phags pa yongs su mya ngan las 'das pa chen po theg pa chen po'i mdo